Ён падкрэсьліў, што падрыхтоўка да магчымага канфлікту ня можа абмяжоўвацца толькі войскам. Важна ўзмацніць устойлівасьць крытычнай інфраструктуры: энэргетыкі, транспарту і водазабесьпячэньня.
Новая стратэгія павінна ўлічваць ня толькі гібрыдныя пагрозы, але і сцэнары поўнамаштабнай вайны. Гэта патрабуе перагляду інвэстыцыйных прыярытэтаў і дзяржаўнай палітыкі.
Кіраўнік узброеных сіл таксама адзначыў, што грамадзтва павінна ўсьведамляць рост пагроз. «Пэрыяд адноснага міру заканчваецца. Патрэбныя адукацыя і падрыхтоўка грамадзян да падтрымкі дзяржавы ў крызіснай сытуацыі», — сказаў ён.
Падчас халоднай вайны Вялікабрытанія была адной з найбольш падрыхтаваных краін да магчымага канфлікту — існавалі падрабязныя працэдуры мабілізацыі войска, а таксама арганізацыі жыцьця грамадзтва.
Гістарычныя пляны ўключалі, сярод іншага, закрыцьцё школ, рэарганізацыю бальніц, нармаваньне прадуктаў харчаваньня і абарону нацыянальных каштоўнасьцяў. Пасьля заканчэньня халоднай вайны сыстэма была паступова згорнутая, цяпер жа яе плянуюць аднавіць у сучаснай форме з улікам новых тэхналёгій і пагроз.
Форум