Праваслаўныя беларусы Вільні на Вялікдзень зьбяруцца ў Базылянскіх мурах

Ноч уваскрасеньня Хрыста паводле ўсходняй пасхаліі, з 11 на 12 красавіка, праваслаўныя беларусы Вільні ўпершыню змогуць сустрэць у знакамітай Сьвята-Траецкай царкве ля Вострай Брамы ў Вільні, напісаў палітык Павал Севярынец у сваім фэйсбуку.

Гэта тая самая царква, якую Канстанцін Астроскі паабяцаў Богу пабудаваць, калі пераможа Маскву пад Воршай у 1514 годзе. Перамогу нашы продкі здабылі, і славуты вайскавод выканаў абяцаньне.

Цяпер царква належыць украінскай грэка-каталіцкай грамадзе, але праваслаўныя беларусы Канстантынопальскага патрыярхату змогуць яднаць падзеленае хрысьціянства сабой — у Тройцы Адзінай, як кажа Севярынец.

ГЛЯДЗІЦЕ ТАКСАМА:

Вялікдзень. Што сказалі ў сваіх віншаваньнях кіраўнікі цэркваў у Беларусі?

Беларускі праваслаўны прыход у Вільні апублікаваў расклад набажэнстваў на сьвяточным тыдні.

08.04. Вялікая Серада

• 18:30 — Сабораваньне

09.04. Вялікі Чацьвер

• 18:30 — Літургія ўспаміну Тайнай Вячэры. Чытаньне Дванаццаці Эвангельляў пакут Хрыстовых

10.04. Вялікая Пятніца

• 18:30 — Чын вынасу Плашчаніцы Хрыста. Набажэнства пахаваньня Плашчаніцы

11.04. Вялікая Субота

• 10:30 — Літургія Вялікай Суботы
• 12:00–21:00 — Дабраславеньне велікодных страваў

12.04 Вялікдзень — Пасха Хрыстова

• 00:00 — Крыжовы ход і Велікодная літургія (Aušros Vartų g. 7B — Траецкая царква)
• 10:00 — Велікодная абедніца (Bokšto g. 4) па-беларуску

ГЛЯДЗІЦЕ ТАКСАМА:

Беларуская праваслаўная супольнасьць у Польшчы падрыхтавала альбом велікодных сьпеваў