У Іране ў выніку атакі загінуў кіраўнік выведкі КВІР Маджыд Хадэмі

Пра гэта паведамляе іранская служба Радыё Свабода са спасылкай на заяву корпусу.

КВІР не паведаміў падрабязнасьцяў яго гібелі, заявіўшы толькі пра «амэрыканска-ізраільскі напад», але зазначыў, што Хадэмі «амаль паўстагодзьдзя шчыра і мужна служыў» у сфэры выведкі і бясьпекі.

Міністар абароны Ізраілю Ісраэль Кац, які таксама паведаміў пра сьмерць Хадэмі, заявіў, што ізраільскія вайскоўцы «зьнішчаюць лідэраў тэрарыстаў». «Іранскія лідэры жывуць з адчуваньнем, што іх перасьледуюць. Мы будзем працягваць адсочваць іх аднаго за другім», — цытуе яго словы Associated Press.

Хадэмі прызначылі кіраўніком выведкі КВІР у сярэдзіне чэрвеня 2025 году пасьля гібелі яго папярэдніка Мухамада Казэмі ў выніку ізраільскага ўдару па будынку выведнай службы корпусу ў Тэгеране.

У студзені 2026 года Міністэрства фінансаў ЗША ўвяло супраць Маджыда Хадэмі санкцыі, заявіўшы, што выведная служба КВІР «падтрымлівала нацыянальную кампанію масавых актаў гвалту, адвольных затрыманьняў і запалохваньня», каб здушыць пратэсты ў Іране.

ГЛЯДЗІЦЕ ТАКСАМА:

Іран ударыў па энэргетычных аб’ектах краін Пэрсыдзкай затокі

ГЛЯДЗІЦЕ ТАКСАМА:

Трамп апублікаваў допіс з абразамі ў бок Ірану, патрабуючы адкрыць суднаходзтва ў Армускай пратоцы