Дата дня
6 красавіка 1999 году раптоўна і загадкава памёр Генадзь Карпенка, беларускі навуковец і палітык, дэпутат Вярхоўнага Савету 12 і 13 скліканьня. У 1996 годзе Карпенка, тагачасны намесьнік старшыні Вярхоўнага Савету, кіраваў працэсам імпічмэнту прэзыдэнта Лукашэнкі.
У Маладэчне, дзе да таго кіраваў Карпенка, дзякуючы яму даволі пасьпяхова правялі беларусізацыю, а ў мясцовай тапаніміі пазбавіліся савецкіх назваў, вярнуўшы беларускія.
Акрамя палітыкі, зрабіў сабе імя і ў футболе. Быў адным з найвядомейшых беларускіх судзьдзяў 1980-х гадоў.
Таксама ў гэты дзень
1814 — Напалеон адрокся ад пасаду і неўзабаве згодна з выракам быў высланы на востраў Эльба.
1896 — у Атэнах адбылося ўрачыстае адкрыцьцё першых сучасных Алімпійскіх гульняў.
1917 — уступленьне Злучаных Штатаў Амэрыкі ў Першую сусьветную вайну на баку Антанты.
1992 — пачалася Басьнійская вайна.
2010 — пачатак рэвалюцыі ў Кіргізстане, якая прывяла да зрынаньня прэзыдэнта Курманбека Бакіева.
У гэты дзень нарадзіліся
1483 — Рафаэль Санці, італьянскі мастак і архітэктар. Памёр у 37 гадоў на свой жа дзень нараджэньня.
1890 — Гаўрыла Віер, мастак.
1893 — Язэп Гаўрылік, палітык, дзяяч беларускага руху ў Заходняй Беларусі, ахвяра сталінізму.
1904 — Мікола Хведаровіч, беларускі паэт.
1910 — Барыс Кіт, навуковец, дзеяч беларускай эміграцыі.
1928 — Хведар Нюнька, грамадзка-культурніцкі дзеяч, удзельнік нацыянальна-дэмакратычнага руху 1980-х — пач. ХХІ ст.Нарадзіўся ў Алешавічах на Мастоўшчыне.
У памяці
1656 — Шыман Старавольскі, гісторык і пісьменьнік Вялікага Княства Літоўскага.
1886 — ад сухотаў у Шлісэльбурскай крэпасьці памёр Рыгор Ісаеў, рэвалюцыянэр-народнік, магілёвец.
1943 — Нічыпар Мяцельскі, дзяяч беларускага адраджэньня (расстраляны савецкімі партызанамі).
1948 — Мікола Шыла, журналіст, рэдактар, мэмуарыст.
2017 — Міхась Кавыль, беларускі паэт, празаік, крытык.
