У выбарчую камісію ўваходзяць Алена Прыходзька, Яраслаў Бекіш, Алена Жылачкіна, Пётр Маркелаў і Дзьмітрый Фурманаў.
- У выбарчым блёку «Ваш Голас», які ўзначальвае Андрэй Колас, 19 чалавек. Сярод іх — былая віцэ-сьпікерка Каардынацыйнай Рады Вольга Павук.
- У выбарчым блёку «Наступ», які ўзначальвае актывістка «Моладзевага блёку» Лізавета Пракопчык, 13 чалавек. Сярод іх — прадстаўніца Ціханоўскай Маргарыта Ворыхава і палітык Іван Краўцоў.
- У выбарчым блёку «Аб’яднаная грамадзянская плятформа», які ўзначальвае Мікалай Казлоў, 22 асобы. Сярод іх — прадстаўніца Офісу Ціханоўскай ва Ўкраіне Сьвятлана Шаціліна, праваабаронца Раман Кісьляк, эканаміст Павал Данэйка.
- У выбарчым блёку «Кааліцыя Латушка і Рух «За Свабоду», які ўзначальваюць Павал Латушка і Юрась Губарэвіч, 38 чалавек. Сярод іх — цяперашні сьпікер КР Арцём Брухан, прадстаўнік АПК у міжнародным і эўрапейскім супрацоўніцтве Ўладзімер Астапенка, дачка Паўла Латушкі Яна Латушка, блогер Сяргей Бяспалаў.
- У выбарчым сьпісе «Рух Воля», які ўзначальвае Мікіта Забуга, 28 чалавек. Сярод іх — прадстаўнік АПК Вадзім Кабанчук, блогер Севярын Квяткоўскі.
- У выбарчым блёку «Хватит бояться!», які ўзначальвае Тацяна Мартынава, 13 чалавек. Сярод іх — былы пракурор Аляксандар Ракіцкі.
- У выбарчым блёку беларускіх палітычных зьняволеных «Беларусы дзеяньня», які ўзначальвае Юрась Зяньковіч, 12 чалавек. Сярод іх — грамадзкі дзяяч і доктар-псыхіятар Зьміцер Шчыгельскі.
- У выбарчым блёку «Эўрапейскі выбар», які ўзначальвае Валер Мацкевіч, 17 чалавек. Сярод іх — прадстаўніца АПК Аліса Рыжычэнка, былая палітзьняволеная Ксенія Луцкіна, прадстаўнікі АПК Вольга Зазулінская і Станіслаў Салавей, былая палітзьняволеная Антаніна Канавалава.
- У выбарчым блёку «Закон и Правопорядок», які ўзначальвае Сяргей Макар, 12 кандыдатаў. Сярод іх — прадстаўнікі ByPol Аляксандар Азараў і Станіслаў Лупаносаў.
Некаторыя ўдзельнікі КР трэцяга скліканьня заявілі пра свой няўдзел у выбарах. Гэта, напрыклад, фракцыя «Беларусы» (Блёк Пракоп’ева — Ягорава) і фракцыя «Наша справа».
Таксама ў выбарах у чацьвёрты склад Каардынацыйнай рады вырашыла ня ўдзельнічаць партыя «Разам», арганізаваньнем якой займаюцца прыхільнікі Віктара Бабарыкі.
Выбары пройдуць 11–17 траўня 2026 году.
Што такое Каардынацыйная рада
- Каардынацыйная рада створаная ў Менску ўлетку 2020 году. Арганізацыя паставіла сабе за мэты «пераадоленьне палітычнага крызісу ў Беларусі» і «абарону сувэрэнітэту і незалежнасьці краіны».
- Частка кіраўнікоў і заснавальнікаў КР, як Марыя Калесьнікава, Максім Знак і іншыя, апынуліся за кратамі. Частка арганізатараў і ўдзельнікаў выехалі за мяжу, некаторыя спынілі палітычную дзейнасьць.
- 9 жніўня 2022 году адбылася рэарганізацыя Рады. Асноўнай яе задачай стала распрацоўка «праграмных і стратэгічных дакумэнтаў, арганізацыя абмеркаваньня грамадзка значных пытаньняў, міжнароднае супрацоўніцтва, а таксама падрыхтоўка і абмеркаваньне канцэпцыяў разьвіцьця Беларусі»
- На пачатку лютага 2023 году апублікаваны склад «рэфармаванай» Каардынацыйнай рады. Сярод іншага, да яе далучыліся грамадзкая дзяячка Сьвятлана Мацкевіч, бізнэсовец Аляксандар Кныровіч, лідэрка ініцыятывы «Честные люди» Алена Жываглод, прадстаўнікі Офісу адукацыі для «новай Беларусі», Free Belarus Center, ZUBR, BEROC, «Задзіночаньня беларускіх студэнтаў» і іншых арганізацыяў.
- ІІ скліканьне гэтай палітычнай структуры (9 лютага 2023) складаецца з 25 чальцоў асноўнага складу КР І скліканьня (19 жніўня 2020), 15 самавылучэнцаў, а таксама 75 дэлегатаў ад арганізацыяў грамадзянскай супольнасьці і дэмакратычных сілаў (па 15 ад пяці тэматычных сэктараў — «палітычныя арганізацыі», «правы чалавека, моладзь і экалёгія», «адукацыя, культура і мэдыя», «мясцовыя супольнасьці, прафсаюзы і бізнэс», «дыяспары»).
- Тэрмін паўнамоцтваў ІІ скліканьня Рады — адзін год з дня правядзеньня першага ўстаноўчага сходу (8 лютага 2023 году) пасьля фармаваньня поўнага складу.
- Дэлегатаў трэцяга і наступных скліканьняў будуць выбіраць грамадзяне Беларусі «на аснове ўсеагульнага, прамога, роўнага і тайнага галасаваньня». У склад Рады трэцяга скліканьня будзе абрана 80 дэлегатаў, тэрмін паўнамоцтваў — 2 гады. Тэхнічна забясьпечваць працэс галасаваньня мае каманда ІТ-плятформы «Новая Беларусь».
- Улады Беларусі прызналі КР «экстрэмісцкім фармаваньнем».
- 28 лістапада 2023 у Беларусі прайшлі ператрусы ў сяброў арганізацыі і людзей, якіх сілавікі падазраюць у датычнасьці да КР. Старшыня КР Андрэй Ягораў заявіў, што дзеяньні рэжыму яскрава дэманструюць важнасьць для беларусаў маючых адбыцца выбараў у Раду.
- З 25 па 27 траўня адбыліся выбары ў ІІІ скліканьне Каардынацыйнай рады. Яны праходзілі онлайн з дапамогай праграмы шыфраваньня зьвестак.
- Напярэдадні выбараў за рассылку падпісантам чат-боту «Перамога» з гонкі зьнялі сьпіс «Закон правапарадак» на чале з Аляксандрам Азаравым. Скандал пачаўся ня толькі праз падобны сродак агітацыі, але і праз тое, што апавяшэньні прыходзілі людзям, якія даўно заблякавалі або выдалілі бот, што магло падставіць людзей, якія жывуць у Беларусі.
- У сьпісе Розы Турарбекавай «Наша справа» ў апошні момант адбыліся вымушаныя зьмены. Пасьля зьняцьця са сьпісу дзьвюх жанчын кіраўніца аб'яднаньня мусіла выкрэсьліць са сьпісу і двух паплечнікаў-мужчын, каб адпавядаць гендарным квотам, уведзеным на выбары. Сам сьпіс раскрытыкаваў факт гендарных квотаў.
- У галасаваньні прынялі ўдзел 6723 чалавекі. Яны галасавалі за адзін з 11 выбарчых сьпісаў. Выбары у Каардынацыйную раду трэцяга складу прайшлі 25–27 траўня 2024 году.
Мандаты разьмеркаваліся наступным чынам:
Каманда Латушкі і рух «За Свабоду» — 28 мандатаў
Блёк Пракоп’ева-Ягорава — 13 мандатаў
«Еўрапейскі выбар» — 8 мандатаў
«Незалежныя беларусы» — 8 мандатаў
«Моладзевы наступ» — 8 мандатаў
«Наша справа» — 6 мандатаў
«Воля» — 6 мандатаў
«Хопіць баяцца» — 3 мандаты
- У сакавіку 2025 году стала вядома пра зьнікненьне старшыні Каардынацыйнай рады Анжалікі Мельнікавай. Паводле польскай паліцыі, Мельнікава ў канцы лютага вылецела за межы Эўразьвязу, у Лёндан, зь дзьвюма дочкамі. Былы муж Анжалікі выехаў з Польшчы ў Беларусь аўтобусам 23 сакавіка.
- Паводле расьсьледаваньня польскіх журналістаў, Мельнкіава зь дзецьмі і невядомым мужчынам наведвала ААЭ і Шры-Ланку. Але падрабязнай інфармацыі пра гэта няма.
- 12 траўня супольнасьць «Кібэрпартызаны» паведаміла пра тое, што Анжаліка Мельнікава сэрыяй апэрацый зьняла з рахунку фонду, які адказваў у тым ліку за фінансаваньне супольнасьці, 150 тысяч даляраў.
Форум