Згодна з новымі спадарожнікавымі фота, якія апублікавала Расейская служба Радыё Свабода, у Прыморску згарэлі сама меней 7 рэзэрвуараў для нафты, а ў Усьць-Лузе пакуль цяжка вызначыць нанесеную шкоду, бо ў кадры воблака.
Пасьля ўводу санкцыяў супраць Беларусі порт Усьць-Луга за 5 з паловай гадоў стаў для грузаў зь Беларусі адным з асноўных, ключавым вузлом для пераарыентацыі беларускага экспарту. Паведамлялі, што ў канцы 2025 году пастаўкі беларускіх нафтапрадуктаў праз гэты порт вырасьлі ў некалькі разоў.
Беларускі бок ня раз заяўляў аб жаданьні пабудаваць там спэцыялізаваны беларускі тэрмінал і ўвайсьці ў стывідорныя актывы Усьць-Лугі для забесьпячэньня доўгатэрміновай лягістыкі.
Форум