«Гэтая важная падзея адлюстроўвае давер народа і прызнаньне вашых досьведу, адказнасьці і імкненьня служыць сваёй краіне. Упэўнены, што ваша дзейнасьць працягне прыносіць значныя вынікі і ствараць новыя магчымасьці для прагрэсу Рэспублікі Конга», — цытуе Лукашэнку яго прэс-служба.
Лукашэнка разьлічвае на «пашырэньне канструктыўнага двухбаковага супрацоўніцтва» Беларусі і Конга.
«Карыстаюся выпадкам, каб пацьвердзіць маё запрашэньне ў ваш адрас наведаць Рэспубліку Беларусь», — гаворыцца ў віншаваньні.
Лукашэнка і Сасу-Нгесо сустракаліся 3 верасьня 2025 года ў Пэкіне, дзе абодва прысутнічалі на мерапрыемствах з нагоды перамогі над Японіяй і заканчэньня Другой сусьветнай вайны.
Сасу-Нгесо быў абвешчаны пераможцам чарговых прэзыдэнцкіх выбараў у сакавіку сёлета. Паводле афіцыйных зьвестак, за Сасу-Нгесо прагаласавала 84,65% выбаршчыкаў.
82-гадовы Сасу-Нгеса заступіў на пасаду ў 1979 годзе, перад тым, як прайграў першыя шматпартыйныя выбары ў краіне ў 1992 годзе. Яму зноў удалося прыйсьці да ўлады ў 1997 годзе пасьля грамадзянскай вайны. І ён зьмяніў Канстытуцыю ў 2015 годзе, каб дазволіць сабе зноў пераабрацца.
71-гадовы Лукашэнка кіруе ў Беларусі з 1994 года.
Форум