«У Дзень Волі Беларусі мы разам з вамі ўспамінаем і сьвяткуем імкненьне да свабоды, якое жыве ў сэрцы кожнага чалавека. Гэты дзень сымбалізуе вашу стойкасьць і рашучасьць будаваць свабодную, дэмакратычную і плюралістычную Беларусь — дзяржаву, дзе павага да правоў чалавека, вяршэнства закона і грамадзянскай супольнасьці не зьяўляецца прывілеем абраных, а неад’емнай часткай паўсядзённага жыцьця для ўсіх», — гаворыцца ў пасланьні.
Прэзыдэнт Літвы падкрэсьліў, што літоўскі народ добра ведае цану свабоды і дэмакратыі, і што гістарычны вопыт прымушае літоўцаў падтрымліваць грамадзянскую супольнасьць, незалежных журналістаў і праваабаронцаў Беларусі, а таксама ўсіх іншых беларусаў, якія «мірна супраціўляюцца тыраніі рэжыму Лукашэнкі, абараняючы асноўныя правы і годнасьць».
«Мужнасьць абараняць свае перакананьні ніколі не бывае марнай. Яна натхняе на зьмены не толькі ў Беларусі, але і ва ўсёй Эўропе. Літва будзе працягваць цьвёрда падтрымліваць імкненьне беларускага народу вярнуцца да вяршэнства закона, спыніць рэпрэсіі, вызваліць і рэабілітаваць усіх палітычных зьняволеных, а таксама свабодна і справядліва вырашаць пытаньне будучыні сваёй дзяржавы», — гаворыцца ў пасланьні.
Форум