Супраць паправак прагаласавалі 28 чальцоў Сэйму, столькі ж былі за, а 14 устрымаліся, перадае LRT.
Дэпутаты вырашылі не адпраўляць ініцыятыву на дапрацоўку, а адхіліць яе зусім.
Аўтары адхіленага праекту прапаноўвалі забараніць беларусам з сталым дазволам на жыхарства ў Літве галасаваць на выбарах муніцыпальных радаў і мэраў гарадоў, а таксама самім абірацца на такіх выбарах.
Паводле кансэрватараў, якія падрыхтавалі праект, права голасу павінна быць выразна зьвязана з эўрапейскай і трансатлянтычнай прасторай. Асабліва цяпер, калі нарастаюць гібрыдныя пагрозы.
Год таму падобная ініцыятыва была ўзаконена ў Эстоніі. Права голасу на мясцовых выбарах забралі ўва ўсіх, хто ня мае грамадзянства Эстоніі або адной з краін Эўразьвязу.
У Латвіі грамадзяне Беларусі і раней ня мелі права галасаваць ні на якіх выбарах.
Напярэдадні ў Літве МЗС прапанавала дэнансаваць дамову зь Беларусьсю пра спрошчаныя правілы перасячэньня мяжы жыхарамі памежных тэрыторый. Яго падпісалі 16 гадоў таму ў час пацяпленьня літоўска-беларускіх стасункаў.
Форум