Ад расейскіх удараў ва Ўкраіне за содні загінулі трое мірных жыхароў

Зводку апублікавала «Настоящее Время».

У Майдане Данецкай вобласьці загінуў мірны жыхар, яшчэ шэсьць чалавек былі параненыя.

У Хэрсонскай вобласьці загінуў адзін чалавек, яшчэ трое параненыя.

У Сумскай вобласьці дроны паранілі шэсьць чалавек.

У Адэскай вобласьці падчас эвакуацыі пасажыраў, выкліканай атакай бесьпілётнікаў, загінула правадніца. Яна трапіла пад сустрэчны цягнік, які накіроўваўся да свайго эвакуацыйнага прыпынку, паведаміла «Укрзалізниця».

У Чарнігаўскай вобласьці пасьля абстрэлу загарэлася стойла з жывёламі.

Днём раней расейскія вайскоўцы абстралялі энэргааб’екты ў Нежынскім раёне, праз што большая частка Чарнігаўскай вобласьці Ўкраіны засталася без электразабесьпячэньня.

ГЛЯДЗІЦЕ ТАКСАМА:

Большая частка Чарнігаўшчыны і Славуціч у Кіеўскай вобласьці засталіся без электрычнасьці пасьля расейскіх удараў па энэргааб'ектах