Гэтая спасылка працуе нават там, дзе наш сайт заблякаваны
Раман Сьвірыдзенка падчас гонкі, 11 сакавіка 2026 году
10 сакавіка ён здабыў золата ў спрынтарскай гонцы на лыжах, а 11 сакавіка — срэбра ў індывідуальнай гонцы на 10 км.
Беларус Раман Свірыдзенка выйграў другі асабісты мэдаль у лыжных гонках на XIV Зімовых Паралімпійскіх гульнях у Італіі.
Ён стаў прызёрам у гонцы на 10 кілямэтраў клясычным стылем у класах LW2 – LW9 (стаячыя атлеты з паразамі канечнасьцяў). На фінішы ў яго быў час 27 мін. 38,4 сек., гэты вынік прынёс яму срэбра. Амаль на паўхвіліны беларуса апярэдзіў француз Карл Табурэ, бронзу ўзяў канадзец Марк Арэндз, які саступіў Раману 25 сэкунд. На старт агулам выйшлі 25 чалавек, піша БелТА.
Сьвірыдзенку 21 год. Ён атлет з пашкоджаньнем нагі, 10 сакавіка ён здабыў на Паралімпіядзе золата ў спрынтарскай гонцы.
У складзе дэлегацыі Беларусі ў Міляне і Картыне д’Ампэцца — чатыры спартоўцы, якія бяруць удзел у спаборніцтвах у паралыжных гонках. Гэта Раман Сьвірыдзенка, Дар’я Фядзьковіч (кляса LW4 — атлеты з паразай нагі), Валянціна Бірыла (LW10,5 — сядзячыя атлеты з падтрымкай) і Лідзія Лобан (LW12 — сядзячыя атлеты).
У Італіі адкрылася Паралімпіяда. Беларускія атлеты прайшлі пад дзяржаўным сьцягам, іранскі спартовец не прыехаў. ФОТА
1/12Упершыню з 2022 году расейскія і беларускія спартоўцы ўдзельнічалі ў ёй пад дзяржаўнымі сьцягамі сваіх краіны.
Гэтая спасылка працуе нават там, дзе наш сайт заблякаваны
2/12З гэтай прычыны спартоўцы некалькіх краін разам з Украінай байкатавалі ўдзел у цырымоніі адкрыцьця. Усяго ў спаборніцтвах выступяць атлеты з 55 краін.
Гэтая спасылка працуе нават там, дзе наш сайт заблякаваны
3/12Як паведаміла агенцтва Reuters, трыбуны вельмі стрымана прывіталі спартоўцаў Беларусі і Расеі, калі яны выйшлі на традыцыйны марш каманд пад сваімі дзяржаўнымі сьцягамі, а калі на трыбунах зьявіўся прынамсі адзін расейскі сьцяг гледачы пачалі сьвісьцець. Таксама стрымана публіка прыняла і атлетаў з Ізраілю.
Гэтая спасылка працуе нават там, дзе наш сайт заблякаваны
4/12Рымскі амфітэатар Вэроны прымаў першае мерапрыемства 50-х Паралімпійскіх гульняў менш, чым праз два тыдні пасьля разьвітання з зімовымі Алімпійскімі гульнямі. За гэты час сытуацыя ў сьвеце рэка абвастрылася праз супольную ізраільска-амэрыканскую ваенную апэрацыю супраць Ірану. З гэтай прычыны на Паралімпіяду ня змог прыехаць адзіны іранскі спартовец. Перад беларускай дэлегацыяй несьлі таблічку з надпісам BIELORUSSIA, як у Італіі называюць Беларусь.
Гэтая спасылка працуе нават там, дзе наш сайт заблякаваны
5/12«Чатыры гады таму я сказаў, што ў жаху ад таго, што адбываецца ў сьвеце. На жаль, сытуацыя не палепшылася», – заявіў у сваёй прамове прэзыдэнт Міжнароднага паралімпійскага камітэту (МПК) Эндру Парсанс.
Гэтая спасылка працуе нават там, дзе наш сайт заблякаваны
6/12У цырымоніі адкрыцьця зімовых Паралімпійскіх гульняў, якую назвалі «Жыцьцё ў руху» ўдзельнічалі артысты з абмежаванымі магчымасьцямі. Гімн выканала італьянска-малійская сьпявачка Мімі Каруза. Выступіў таксама заснавальнік The Police Сцюарт Коўплэнд з брытанскім барабаншчыкам Карнэлам Хрыска-Мун, які нарадзіўся без перадплеччаў.
Гэтая спасылка працуе нават там, дзе наш сайт заблякаваны
7/12«У сьвеце, дзе некаторыя краіны больш вядомыя па імёнах сваіх лідэраў, я аддаю перавагу ведаць краіны па імёнах іх спартоўцаў», – дадаў Эндру Парсанс, перш, чым прэзыдэнт Італіі Серджа Матарэля абвясьціў гульні адкрытымі.«Тут адрозьненьні – не прычыны для падзелу, а крыніцы сілы», – сказаў прэзыдэнт МПК.
Гэтая спасылка працуе нават там, дзе наш сайт заблякаваны
8/12Паводле МПК, удзел толькі 28 нацыянальных паралімпійскіх дэлегацый быў прадыктаваны нібыта «раскладам спаборніцтваў». Згодна зь інфармацыяй Міжнароднага паралімпійскага камітэту, толькі шэсьць эўрапейскіх краін далучыліся да Ўкраіны ў байкоце цырымоніі адкрыцьця. Раней украінскі бок заяўляў, што да байкоту далучыліся 14 замежных дзяржаў.
Гэтая спасылка працуе нават там, дзе наш сайт заблякаваны
10/12На Паралімпійскіх гульнях, якія будуць працягвацца да 15 сакавіка, возьме ўдзел рэкордная колькасьць спартоўцаў – 611 атлетаў будуць спаборнічаць у 79 мэдальных дысцыплінах у шасьці відах спорту. Упершыню адбудуцца спаборніцтвы ў зьмешаным парным разрадзе па кёрлінгу на інвалідных вазках, у якіх возьмуць удзел прадстаўнікі Сальвадора, Гаіці, Чарнагорыі, Паўночнай Макэдоніі і Партугаліі.
Гэтая спасылка працуе нават там, дзе наш сайт заблякаваны
12/12Нягледзячы на тое, што ў цырымоніі адкрыцьця ўдзельнічалі толькі 28 краін, валянтэры пранесьлі сьцягі ўсіх 55 дзяржаў, спартоўцы якіх будуць выступаць на Паралімпіядзе, у тым ліку і Ўкраіны.
Выкарыстаныя публікацыі агенцтва Reuters, AFP і Радыё Свабодная Эўропа / Радыё Свабода.
