«Украінскі бок зьвярнуўся да Беларусі, каб абмяняць украінку, якая адбывала пакараньне за крымінальнае злачынства», — паведаміў курскі губэрнатар Аляксандар Хінштэйн.
Паводле яго, на даручэньне Аляксандра Лукашэнкі і адбыўся гэты абмен.
Грамадзянак Расеі агледзелі мэдыкі ў Бранскай вобласьці, куды іх накіравалі пасьля абмену. Разам зь імі, як сьцьвярджае Хінштэйн, перадалі і іхнага сабаку — пітбуля Кента.
Губэрнатар Курскай вобласьці паабяцаў дапамагчы жанчынам аднавіць дакумэнты і аформіць ім усе належныя выплаты.
У той жа час, у паведамленьні не ўдакладняецца, паводле якога артыкулу ў Беларусі была асуджаная і адбывала пакараньне вызваленая ўкраінка. У дзяржаўных СМІ аб гэтым факце не паведамлялі. Толькі 7 сакавіка яго загадалі ў Telegram-канале Гомельскага аблвыканкама, старшыня якога Іван Крупко дапамагаў на месцы вызваленым расіянкам.
Украіна і Расея правялі 5 і 6 сакавіка на тэрыторыі Беларусі абмены ваеннапалоннымі. Усяго цягам двух дзён ва Ўкраіну і Расею вярнуліся па 500 палонных. Украінскі бок паведамляў, што 6 сакавіка ва Ўкраіну вярнуліся два цывільныя палонныя, але аб перадачы ўкраінкі зь Беларусі ніякай інфармацыі не было.
Форум