Як адзначаецца ў паведамленьні ягонай прэсавай службы, чатырох міліцыянтаў Лукашэнка адзначыў мэдалём «За адзнаку ў ахове грамадзкага парадку».
Сярод іх:
- намесьнік міністра ўнутраных спраў, камандуючы ўнутранымі войскамі Мікалай Карпянкоў (у 2020 годзе кіраваў ГУБАПіКам і асабіста ўдзельнічаў у перасьледзе і зьбіцьці ўдзельнікаў пратэсту, супраць яго ў 2021 годзе Эўразьвяз, ЗША і іншыя краіны ўвялі санкцыі),
- начальнік Дэпартамэнту выкананьня пакараньняў МУС Алег Маткін (датычны да катаваньняў у турмах і калёніях, у 2022 годзе ўключылі ў міжнародныя санкцыйныя сьпісы),
- начальнік упраўленьня крымінальнага вышуку крымінальнай міліцыі Менску Сяргей Ушакоў (паводле яго ўказаньняў міліцыянты зьбівалі затрыманых на акцыях пратэсту, фабрыкавалі пратаколы аб парушэньнях і ілжэсьведчылі ў судах).
Ордэн «За службу Радзиме» III ступені атрымаў начальнік УУС Гомельскага аблвыканкаму Аляксандар Шастайла (у часе кіраўніцтва працы ў органах унутраных спраў Горадзенскай вобласьці загадаў жорстка разагнаць і затрымаць удзельнікаў акцыі ў Лідзе ў чэрвені 2020 году).
Мэдалямі «За бездакорную службу» розных ступеняў Лукашэнка адзначыў:
- начальніка ДАІ Менску Сяргея Бабіча (удзельнічаў у перакрыцьці дарог у Менску падчас акцый 2020 году, датычны да пазбаўленьня правоў кіроўцаў, якія выкарыстоўвалі гукавыя сыгналы на знак салідарнасьціз пратэстоўцамі ў 2020 годзе),
- намесьніка начальніка галоўнага ўпраўленьня па супрацьдзеяньні кібэрзлачыннасьці Аляксандра Рынгевіча (датычны да перасьледу грамадзян, якія выказвалі нязгоду з палітыкай Лукашэнкі, і ўдзельнікаў пратэсту 2020 году),
- старшага опэрупаўнаважанага дэпартамэнту крымінальнай выведкі МУС Аляксандра Івашка, датычнага да вышуку ўдзельнікаў акцый пратэсту 2020 году.
Форум