Як паведамляе расейскай служба Радыё Свабода, прычынай гэтага рашэньня ён назваў вайну Расеі супраць Украіны, рост ваеннай моцы Кітая і зьмяненьне прыярытэтаў абароннай палітыкі ЗША.
Макрон і канцлер Нямеччыны Фрыдрых Мэрц у панядзелак пацьвердзілі стварэньне сумеснай працоўнай групы ў ядзерным пытаньні. Па словах Мэрца, ужо да канца году будуць зроблены канкрэтныя крокі, у тым ліку ўдзел Нямеччыны ў францускіх ядзерных вучэньнях.
Макрон зазначыў, што ня толькі Нямеччына, але і Нідэрлянды, Бэльгія, Данія і Польшча праявілі зацікаўленасьць у супрацоўніцтве з Францыяй у ядзернай сфэры. Ён таксама ня выключыў магчымасьці пры пэўных абставінах разьмясьціць францускую ядзерную зброю ў іншых краінах. Ён падкрэсьліў, што загад аб яе выкарыстаньні зможа аддаваць толькі прэзыдэнт Францыі.
Таксама, па словах Макрона, Францыя павялічыць колькасьць сваіх ядзерных боегаловак і ня будзе афіцыйна паведамляць, да якога памеру. Цяпер, паводле афіцыйных зьвестак, у Францыі крыху менш за 300 боегаловак.
На мінулым тыдні прадстаўнікі расейскіх уладаў абвінавацілі Францыю і Вялікую Брытанію ў імкненьні перадаць Украіне кампанэнты для вытворчасьці ядзернай зброі. Усе тры краіны адпрэчылі гэтыя сьцьвярджэньні. У сваім выступе 2 сакавіка Макрон не згадаў аб магчымым супрацоўніцтве з Украінай у ядзернай сфэры.
Форум