Як адзначаецца ў Telegram-канале лідэркі дэмакратычных сілаў, у Страсбургу адбылася сустрэча-брыфінг амбасадараў Камітэту міністраў Рады Эўропы, арганізаваная місіямі Эўрапейскага Зьвязу і Польшчы.
«Мы працуем з краінамі ЭЗ і з Дэпартамэнтам міграцыі і ўнутраных справаў Эўракамісіі, каб знайсьці комплекснае рашэньне для беларусаў у Эўропе, каб людзі не станавіліся асобамі без грамадзянства. На нашу просьбу Гішпанія прызнала пратэрмінаваныя пашпарты, Данія і Нарвэгія пачалі выдаваць пашпарты іншаземца беларусам. У Літве дзейнічаюць дакумэнты на тры гады, Польшча выдае міжнародную абарону. Гэта добрыя прыклады, якія трэба пашыраць», — сказала Сьвятлана Ціханоўская.
На сустрэчы таксама абмеркавалі візавую палітыку і мабільнасьць беларусаў у Эўразьвязе, праблемы з дакумэнтамі і пашпартамі, падтрымку Ўкраіны і сытуацыю зь беларускімі добраахвотнікамі, вызваленьне палітвязьняў і дапамогу вызваленым і выправаджаным зь Беларусі, санкцыйную палітыку, прыцягненьне рэжыму да адказнасьці, транснацыянальныя рэпрэсіі і злоўжываньні праз Інтэрпол, а таксама падтрымку незалежных мэдыя і культуры.
Форум