Паводле наяўнай інфармацыі, справа ўзьнікла пасьля таго, як беларус выкарыстаў пашпарт Новай Беларусі пры замене карты побыту, паведаміла Partyzanka.
Юрысты адзначаюць, што ў Польшчы выкарыстаньне сымьалічных дакумэнтаў як сапраўдных можа лічыцца выкарыстаньнем падробленага дакумэнта. Рызыкі ўзьнікаюць, калі такі дакумэнт прад’яўляюць як пасьведчаньне асобы або выкарыстоўваюць у дзяржаўных установах, банках, пры легалізацыі знаходжаньня ці заключэньні дамоваў.
Пры гэтым валоданьне сымбалічнымі дакумэнтамі не забаронена — іх можна захоўваць як сувэнір або выкарыстоўваць у сымбалічных мэтах.
Экспэрты падкрэсьліваюць, што выкарыстаньне такіх дакумэнтаў можа стаць падставай для дадатковых праверак і нават перагляду міграцыйнага статусу. Таму беларусам раяць не выкарыстоўваць сымбалічныя дакумэнты ў афіцыйных працэдурах.
Форум