Чаму Статкевіч так вар’юе Лукашэнку

Чаму адзін чалавек ужо тры дзесяцігодзьдзі раздражняе Аляксандра Лукашэнку мацней за дзясяткі іншых апанэнтаў? У верасьні 2025-га, калі з турмаў выпусьцілі 52 палітвязьні з умовай пакінуць Беларусь, Мікалай Статкевіч адзіны сказаў «не». Ня зьехаў. Не папрасіў літасьці. Не пайшоў на кампраміс. За 31 год улады Лукашэнкі Статкевіч правёў за кратамі 12 гадоў. Яго арыштоўвалі, вызвалялі, зноў саджалі – але ён кожны раз вяртаўся ў палітыку і на вуліцу. Журналіст Дзьмітры Гурневіч тлумачыць, чаму Статкевіч небясьпечны для Лукашэнкі.