Як вынікае з адпаведнай пастановы, апублікаванай на Нацыянальным праўным партале Беларусі, у пералік уключылі спэцыяльнасьць «Фізычная культура. Вайскова-патрыятычнае выхаваньне».
Дакумэнт набыў юрыдычную моц з 19 лютага 2026 году.
У такім пераліку цяпер 23 спэцыяльнасьці, у тым ліку — дашкольная адукацыя, гісторыя, музэйная справа і ахова гісторыка-культурнай спадчыны, інжынэрна-пэдагагічная дзейнасьць, спэцыяльная і інклюзіўныя адукацыя і іншыя.
Для залічэньня безь іспытаў абітурыент павінен мець атэстат аб агульнай сярэдняй адукацыі або дыплём аб сярэдняй спэцыяльнай адукацыі і мэтавае накіраваньне.
Бязь іспытаў на гэтыя спэцыяльнасьць таксама залічваюцца выпускнікі школ і вучылішчаў, якія маюць мэдалі або дыплёмы з адзнакай, а таксама пераможцы рэспубліканскай алімпіяды па прадметах, па якіх трэба здаваць іспыт для навучаньня ў вышэйшай навучальнай установе.
Форум