Як паведамляе прэс-служба Нацыянальнага банку Беларусі, сярод іншага ён заявіў.
«Сытуацыя пакуль стабільная і на курс рубля ўплываюць найбольш рынкавыя фактары. Мы не гуляем спэцыяльна супраць даляра, не аслабляем рубель, не ўмацоўваем рубель, сытуацыя на рынку складваецца такая, і я думаю, што яна задавальняе ў першую чаргу экспартэраў, якія прадаюць прадукцыю ў Расейскую Фэдэрацыю.
Зараз і аб’ектыўныя фактары, такія як падатковы пэрыяд, вырасла прапанова валюты, таму курс рэагуе такім чынам. Я думаю, што трэба чакаць невялікага паслабленьня курсу рубля, хоць вялікіх перападаў мы не прагназуем», — заявіў Галоўчанка.
На 28 студзеня курс беларускага рубля складае 2,8593 рубля за даляр ЗША, ён падняўся ў параўнаньні з учорашнім днём на +0.0142%, паведамляе Myfin.by.
Паводле зьвестак Нацыянальнага банку, міжнародныя рэзэрвовыя актывы Беларусі за мінулы год павялічыліся на 5,5 мільярда даляраў і на 1 студзеня 2026 году перавысілі 14,4 мільярда даляраў.
