«Камунальнікі і энэргетыкі працягваюць працаваць над падачай цяпла ва ўсе будынкі, якія засталіся без цяпла», — напісаў ён у Тэлеграме.
Пасьля апошніх масіраваных абстрэлаў з боку Расейскай Фэдэрацыі ў энэргасыстэме Ўкраіны дзейнічае надзвычайнае становішча. У прыватнасьці, 20 студзеня Кіеў падвергнуўся чарговаму абстрэлу з боку расейскіх войскаў, у выніку чаго безь цяпла засталіся 5635 шматкватэрных дамоў.
З пачатку паўнамаштабнага ўварваньня ў лютым 2022 году Расея атакуе энэргетычную інфраструктуру Украіны. З пачатку восені 2025 году расейскія войскі ўзмацнілі абстрэлы ўкраінскага энэргетычнага сэктара.
Служба бясьпекі Ўкраіны кваліфікуе напады Расеі на ўкраінскую энэргетычную інфраструктуру як злачынствы супраць чалавечнасьці. СБУ раней адзначала, што з пачатку сёлетняга ацяпляльнага сэзону задакумэнтавала як мінімум 256 расейскіх авіяналётаў на аб’екты энэргетыкі і сыстэмы ацяпленьня Ўкраіны.
Форум