Аляксандар Лукашэнка прызначыў Юрыя Селіверстава новым паслом Беларусі ў Расеі.
Да гэтага прызначэньня ён з 2020 году працаваў міністрам фінансаў Беларусі.
«Амбасада Расеі — гэта ня проста амбасада. Гэта другі ўрад, бо гэта асноўны наш рынак, дзе мы прадаём нашу прадукцыю. Гэта асноўная краіна, якая інвэстуе ў нашу краіну, дапамагае нам заўсёды», — працытавала Лукашэнку яго прэсавая служба.
Лукашэнка дадаў, што «гэта наша Расея, таму абы-каго туды не адправіш, і ўзровень павінен быць адпаведны, і веды, і жаданьне працаваць».
У чэрвені 2022 году ўрад Канады ўвёў санкцыі супраць Юрыя Селіверстава.
Новым міністрам фінансаў стаў Уладзіслаў Татарыновіч. Да гэтага прызначэньня ён працаваў намесьнікам старшыні Савету Рэспублікі Нацыянальнага сходу.
15 студзеня Лукашэнка прызначыў дыплямата Аляксандра Рагожніка, які з 27 чэрвеня 2024 году ачольваў амбасаду Беларусі ў Расеі, старшынём Віцебскага аблвыканкаму.
Форум