Журналіст Язэп Салавей раптоўна памёр у 1926 годзе на вуліцы ў Вільні каля рэдакцыі газэты «Грамадзкі голас», якую ён узначальваў.
Паэт Алесь Салавей памёр у гэты ж дзень, толькі ў 1978 годзе — і таксама нечакана — у Мэльбурне падчас купаньня ў акіяне ад разрыву сэрца.
Таксама ў гэты дзень
1793 — падчас Вялікай францускай рэвалюцыі быў пакараны сьмерцю былы кароль Людовік XVI.
1954 — у ЗША была спушчаная на ваду першая ў сьвеце атамная падводная лодка «Наўтылюс».
1997 — каля будынку Вярхоўнага Суду адбыўся пікет у абарону арыштаванага паэта Славаміра Адамовіча. Пікетоўцы трымалі плякаты з надпісамі: «Спыніць палітычныя рэпрэсіі!», «Свабоду Славаміру Адамовічу!» Паэт быў засуджаны на 10 месяцаў турмы.
2011 — адбылася інаўгурацыя Аляксандра Лукашэнкі пасьля прэзыдэнцкіх выбараў 2010 году.
У гэты дзень нарадзіліся
1818 — Адам Кіркор, беларускі археоляг і выдавец.
1886 — Аляксей Туранкоў, беларускі кампазітар
1905 — Крыстыян Дыёр, францускі кутур’е.
1923 — Аркадзь Астрамецкі, беларускі цымбаліст.
1928 — Іван Аношкін, пісьменьнік.
1928 — Джын Шарп, амэрыканскі палітоляг, распрацоўнік мэтадаў негвалтоўнай барацьбы.
1941 — Плясіда Дамінга, гішпанскі сьпявак.
1945 — Юры Станкевіч, празаік і драматург.
1953 — Пол Ален, амэрыканскі бізнэсмэн, сузаснавальнік Microsoft.
У памяці
1924 — Уладзімер Ленін, лідэр расейскай рэвалюцыі 1917 году і першы кіраўнік савецкай дзяржавы.
1926 — Язэп Салавей, беларускі нацыянальны дзеяч і журналіст.
1938 — Янка Туміловіч, беларускі паэт, загінуў у ГУЛАГу.
1943 — Ісак Сербаў, этнограф, фальклярыст, археоляг.
1950 — Джордж Оруэл, ангельскі навэліст і журналіст. Оруэл увайшоў у сусьветную літаратуру як аўтар антыўтопіяў «Фэрма» і «1984».
1978 — Алесь Салавей, паэт.
