Як паведаміла выданьне by.tribuna.com, нягледзячы на на прысуд і ўключэньне ў сьпіс «экстрэмістаў», Салавей працягваў гуляць за клюб з Мазыра — з гэтым яму дапамаглі галоўны трэнэр каманды і кіраўнік Мазырскага НПЗ. Але ён мусіў праходзіць праз міліцэйскія праверкі і інфармаваць аб ад’ездах на гасьцявыя матчы і вяртаньнях пасьля іх.
Згодна зь інфармацыяй выданьня, Аляксандар Лукашэнка памілаваў Андрэя Салаўя і ягоную жонку Аксану ў 2025 годзе.
У праваабарончым цэнтры «Вясна» мяркуюць, што гэта адбылося напярэдадні так званага Дня народнага адзінства 17 верасьня. Тады былі памілаваныя 25 чалавек, «асуджаных, у тым ліку, за злачынствы экстрэмісцкай накіраванасьці».
У 2021 годзе Андрэй Салавей стаў найлепшым футбалістам Беларусі. Летась стаў другім бамбардзірам чэмпіянату Беларусі — ён забіўшы 16 галоў за «Славію». Цяпер жа, паводле выданьня «Трыбуна», форвард мае намер знайсьці клюб за мяжой.
Форум