Актрыса Джэйн Фонда назвала ўгоду «пагрозай для ўсёй індустрыі».
Адзін з генэральных дырэктараў Netflix Грэг Пітэрс заявіў у пятніцу, што ўгода з Warner Bros. дазволіць кампаніі пашырыць вытворчасьць у ЗША і надалей інвэставаць у арыгінальны зьмест.
5 сьнежня стала вядома, што Netflix набывае холдынг Warner Bros., уключна з HBO і HBO Max, за $82,7 млрд. Угоду мусяць праверыць рэгулятары: Міністэрства юстыцыі ЗША ўжо вывучае, ці не прывядзе аб’яднаньне да празьмернага ўзмацненьня пазыцыяў Netflix на рынку. Разам з HBO Max кампанія кантралявала б каля 30% рынку стрымінгу ў ЗША.
У выпадку ўхваленьня Netflix атрымае вытворчыя студыі Warner Bros., канал HBO, стрымінг HBO Max і вялізную бібліятэку кантэнту, у тым ліку «Клян Сапрана», «Гульня тронаў», «Сябры», «Тэорыя вялікага выбуху» і «Гары Потэра».
Форум