Дата дня
27 красавіка 1929 году ў Вільні нарадзіўся Юры Туронак, гісторык, удзельнік беларускага культурніцкага руху 1950–1980-х і нацыянальна-дэмакратычнага руху 1980-х — пач. ХХІ ст. у Польшчы.
https://smarturl.click/MAzpТаксама ў гэты дзень
1706 — швэдзкае войска на чале з каралём Карлам ХІІ штурмавала Мірскі замак, пасьля чаго крэпасьць была спаленая.
Мірскі замак 40 гадоў таму. Эпічныя фота Сяргея Дубаўца
1906 — адбылося першае паседжаньне Дзяржаўнай Думы Расейскай імпэрыі.
1919 — польскія войскі занялі Горадню, дзе знаходзіўся ўрад Беларускае Народнае Рэспублікі і беларускае войска.
1919 — крушэньне парахода „Надзея“ на Дзьвіне ў Віцебску. Параход адплыў рэйсам на Бешанковічы. Капітан ня здолеў выканаць разварот, у выніку параход патануў, загінула ня менш за 100 пасажыраў.
1945 — БССР стала адной зь дзяржаў-заснавальніц ААН.
Дэлегацыя БССР брала ўдзел у міжнароднай канфэрэнцыі ў Сан-Францыска, скліканай па ініцыятыве СССР, Вялікабрытаніі і ЗША, што выпрацоўвала Статут ААН. 27 красавіка 1945 году Выканаўчы камітэт канфэрэнцыі аднагалосна прыняў рашэньне аб уключэньні Беларускай ССР у лік першапачатковых чальцоў ААН, адзначыўшы яе ўклад у перамогу над фашызмам.
1996 — у Менску адбываюцца масавыя арышты ўдзельнікаў «Чарнобыльскага шляху», які прайшоў напярэдадні. За кратамі апынулася амаль усё кіраўніцтва БНФ.
2011 — у Менску праходзілі суды над удзельнікамі «масавых беспарадкаў» на Плошчы-2010, Зьмітра Бандарэнку асудзілі на 2 гады калёніі.
У гэты дзень нарадзіліся
1791 — Самуэль Морзэ, амэрыканскі мастак і вынаходнік.
1878 — Станіслаў Любіч-Маеўскі, беларускі грамадзкі і культурны дзеяч, пэдагог.
1930 — Май Данцыг, жывапісец, народны мастак Беларусі.
У памяці
1584 — Мікалай Радзівіл «Руды», дзяржаўны і вайсковы дзеяч Вялікага Княства Літоўскага.
1967 — Мікола Алексютовіч, беларускі філёзаф.
1998 — Вітаўт Тумаш, гісторык, удзельнік нацыянальна-вызвольнага руху 1930-х у Заходняй Беларусі, дзяяч паваеннай эміграцыі ў Нямеччыне і ЗША.
2002 — Міхаіл Пташук, кінарэжысэр, народны артыст Беларусі (загінуў у аўтакатастрофе).
2006 — Міхал Вітушка, вайсковы дзяяч, палітык, кіраўнік паваеннага збройнага антысавецкага Супраціву 1944–1950-х.
2017 — Міхась Паўлаў, мэдык, краязнаўца і выдавец, праваабаронца, удзельнік нацыянальна-дэмакратычнага руху 1980-х — пач. ХХІ ст., адзін з заснавальнікаў віцебскага клюбу «Ўзгор'е».
