Прадстаўнік арганізацыі BelPol Уладзімер Жыгар у інтэрвію «ПіКу Свабоды» камэнтуе дэпартацыю з Польшчы грамадзяніна Беларусі, расказвае пра пастанову Савету міністраў, якая, на думку BelPol, сьведчыць пра падрыхтоўку да вайны, а таксама разважае, як можна перашкодзіць рэжыму Лукашэнкі дапамагаць Расеі ў агрэсіі супраць Украіны.
Паводле інфармацыі, атрыманай BelPol з надзейных крыніц, нядаўна ў Менгарвыканкам, аблвыканкамы і іншыя дзяржаўныя органы Беларусі на ўзгадненьне паступіў праект пастановы ўраду, якая рэглямэнтуе добраахвотны ўдзел грамадзян у выкананьні работ абароннага характару ў мірны час.
«Там пералічваецца будова траншэй, акопаў, бліндажоў, схованак для баявой тэхнікі і асабовага складу воінскіх фармаваньняў. Збор і ліквідацыя завалаў, расчыстка вуліц. Такім чынам рэжым Лукашэнкі хоча ўзаконіць у Беларусі расейскі варыянт так званай спэцапэрацыі. То бок вайна афіцыйна не абвешчаная, час нібыта мірны, але баявыя дзеяньні вядуцца. Таму трэба капаць акопы і будаваць абарончыя загароды. На нашу думку, гэта падрыхтоўка прававой базы для аднаго з магчымых варыянтаў разьвіцьця падзеяў у будучыні», — кажа Ўладзімер Жыгар.
Устаноўлены ў дакумэнце ўзроставы цэнз добраахвотнікаў — 16 гадоў і старэй, верхняй мяжы няма. Памер аплаты працы — 15 рублёў у дзень. Гэтую пастанову, як сьцьвярджае BelPol, маюць прыняць на працягу бліжэйшых 2–3 тыдняў.
«ПіК Свабоды»
«ПіК Свабоды» — гэты YouTube-праграма і падкаст пра самыя важныя падзеі для Беларусі і беларусаў.
Чатыры разы на тыдзень — з панядзелка па чацьвер — дасьведчаныя журналісты і рэдактары Свабоды выбіраюць для вас галоўныя навіны дня і тлумачаць, што яны значаць.
Па пятніцах мы рыхтуем тыднёвы аналітычны выпуск, у якім разам з вартымі даверу экспэртамі разьбіраем працэсы і тэндэнцыі ў палітыцы, эканоміцы, грамадзтве і культуры.
Як глядзець на YouTube
Падпішыцеся на наш YouTube-канал «Свабода. Падзеі і камэнтары» (@svaboda-news).
Новы выпуск дасяжны на канале штодня а 1830 менскага часу.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум