Адказваючы на пытаньне, ці нясе ён пагрозу для амэрыканскіх спадарожнікаў, прадстаўнік Пэнтагону падкрэсьліў, што гэта антыспадарожнікавая зброя, якая знаходзіцца на той жа арбіце, што і амэрыканскія спадарожнікі: «Несумненна, мы будзем весьці назіраньне за гэтым аб’ектам».
Інфармацыйнае агенцтва Reuters тлумачыць, што гаворка ідзе пра расейскі спадарожнік «Космас-2576», падобны на расейскія спадарожнікі, запушчаныя ў 2019 і 2022 годзе. Яны, як ацэньвае Пэнтагон, таксама зьяўляюцца касьмічнай зброяй. Адзін з гэтых спадарожнікаў доўгі час ішоў за амэрыканскім выведвальным спадарожнікам. Паводле амэрыканскіх аналітыкаў, новы расейскі спадарожнік выведзены на ідэнтычную з амэрыканскім выведвальным спадарожнікам USA-314 арбіту і, відаць, апынецца ў будучыні паблізу яго.
Пытаньне разьмяшчэньня зброі ў космасе ў апошнія тыдні стала падставай для супрацьстаяньня Расеі і ЗША ў ААН. У красавіку Расея наклала вэта на праект рэзалюцыі, падтрыманы 13 з 15 чальцамі Рады Бясьпекі ААН, дзе зьмяшчаўся заклік не дапусьціць гонкі ўзбраеньняў у космасе. На мінулым тыдні Рада Бясьпекі ААН адпрэчыла праект рэзалюцыі, прапанаваны Расеяй. Як заявіла прадстаўнік ЗША ў ААН, у ім не былі пацьверджаныя прынцыпы, вызначаныя Дамовай аб космасе, якая забараняе разьмяшчэньне ў космасе ядзернай зброі.
Форум