Лінкі ўнівэрсальнага доступу

Беларускага рэжысэра Гнёта пакінулі пад вартай да вынясеньня рашэньня суду аб яго экстрадыцыі з Сэрбіі


Адвакаты чакаюць рашэньня цягам месяца.

Пазасудовая калегія ў Бялградзе падчас паседжаньняў 26 сакавіка і 1 красавіка разгледзела справу аб экстрадыцыі 41-гадовага беларускага рэжысэра і журналіста Андрэя Гнёта. Пакуль судзьдзі прымаюць рашэньне, беларус будзе заставацца пад вартай, паведамляе Deutsche Welle.

Паводле інфармацыі выданьня, на слуханьнях з судзьдзёй на папярэднім разборы разглядалі пытаньні, зьвязаныя з экстрадыцыяй Андрэя Гнёта ў Беларусь. Паводле інфармацыі юрыстаў, якія ўдзельнічаюць у працэсе, Андрэй выступіў перад судом і даў усе доказы, якія ён лічыць важнымі.

Цяпер калегія з трох судзьдзяў Высокага суду Бялграду прымае рашэньне аб выкананьні ўмоваў для ягонай экстрадыцыі. Папярэдне адвакаты чакаюць рашэньня цягам месяца. Андрэй Гнёт па-ранейшаму застаецца пад вартай.

Перасьлед Андрэя Гнёта

  • Андрэя Гнёта арыштавалі ўлады Сэрбіі, калі ён прызямліўся ў аэрапорце Бялграду ў кастрычніку 2023 году, на падставе ордэру Інтэрполу, выдадзенага на запыт Беларусі. З таго часу ён у Бялградзе пад вартай.
  • Гнёт ня ведаў, што на яго выпісаны ордэр, у Сэрбію ён прыехаў на працу. Ён жыў у Тайляндзе, куды ўцёк пасьля ўдзелу ў пратэстах пасьля прэзыдэнцкіх выбараў 2020 году.
  • У Беларусі Андрэя Гнёта вінавацяць ва ўхіленьні ад выплаты падаткаў. Сам Гнёт гэта адмаўляе, лічачы, што рэжым Аляксандра Лукашэнкі перасьледуе яго за палітычную дзейнасьць.
  • У сьнежні 2023 году суд першай інстанцыі ў Сэрбіі ўхваліў дэпартацыю Гнёта ў Беларусь, але 12 сакавіка 2024 году Апэляцыйны суд у Бялградзе адмяніў рашэньне і адправіў справу на перагляд.
  • У канцы лютага Інтэрпол заблякаваў зьвесткі Гнёта, пачаўшы праверку падставаў, паводле якіх беларускія ўлады абвясьцілі яго ў вышук.
  • Сябры Гнёта адкрылі збор для аплаты паслуг адвакатаў. Справай рэжысэра займаюцца чатыры абаронцы, іх праца працягваецца ўжо пяты месяц.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG