Лінкі ўнівэрсальнага доступу

У Беларусі пачаліся чарговыя вучэньні тэрытарыяльнай абароны, у тым ліку на мяжы зь Літвой


Вайсковыя вучэньні ў Беларусі. Ілюстрацыйнае фота
Вайсковыя вучэньні ў Беларусі. Ілюстрацыйнае фота

Першага красавіка ў Міністэрстве абароны Беларусі паведамілі аб пачатку вучэньняў з выкарыстаньнем рэактыўных сыстэм залпавага агню «Палянэз».

У Міністэрстве абароны Беларусі паведамілі аб пачатку камандна-штабных вучэньняў з удзелам сіл тэрытарыяльнай абароны ў чатырох раёнах — у Вілейскім Менскай вобласьці, Рагачоўскім і Кармянскім Гомельскай вобласьці і на мяжы зь Літвой, у Воранаўскім раёне Горадзенскай вобласьці.

У Горадзенскай і Гомельскай абласьцях вучэньні будуць доўжыцца два дні (да 4 красавіка), а ў Менскай — да 26 красавіка.

У межах вучэньняў будуць удасканальваць навыкі асабовага складу ў тэрытарыяльнай абароне.

У Беларусі з 12 сакавіка праходзіць праверка баявой гатоўнасьці Ўзброеных сіл Беларусі, якая пачалася ў адказ на правядзеньне маштабных вучэньняў NATO.

Першага красавіка ў Міністэрстве абароны Беларусі паведамілі аб пачатку вучэньняў з выкарыстаньнем рэактыўных сыстэм залпавага агню «Палянэз».

На тэрыторыі Беларусі ўвесь час ад моманту расейскага ўварваньня ва Ўкраіну амаль бесьперапынна праводзяцца вайсковыя вучэньні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG