Лінкі ўнівэрсальнага доступу

У Міністэрстве абароны Беларусі паведамілі аб вучэньнях з удзелам сыстэм «Палянэз»


Рэактыўная сыстэма залпавага агню «Палянэз». Фота Міністэрства абароны Беларусі
Рэактыўная сыстэма залпавага агню «Палянэз». Фота Міністэрства абароны Беларусі

У якіх раёнах будуць вучэньні з рэактыўнымі сыстэмамі залпавага агню «Палянэз», не ўдакладнілі.

У Міністэрстве абароны Беларусі паведамілі аб нарошчваньні праверкі баявой гатоўнасьці злучэньняў і вайсковых частак Узброеных сіл краіны.

Як адзначаецца ў паведамленьні прэсавай службы Міністэрства абароны, у межах праверкі баявой гатоўнасьці пачаліся камандна-штабныя вучэньні з 336-й рэактыўнай артылерыйскай брыгадай.

«Вайскоўцы брыгады выканаюць комплекс мерапрыемстваў у падрыхтоўцы тэхнікі да прымяненьня, выхаду ў прызначаныя раёны і выкананьні навучальна-баявых задач. Таксама разьлікі баявых машын будуць удасканальваць практычныя навыкі на штатным узбраеньні», — адзначаецца ў афіцыйным паведамленьні.

У складзе 336-й рэактыўнай артылерыйскай брыгадзе ў 2016 годзе сфармавалі дывізіён РСЗА «Палянэз».

11 сакавіка Міністэрства абароны Беларусі паведаміла аб пачатку ва Ўзброеных сілах праверкі баявой гатоўнасьці злучэньняў і вайсковых частак у адказ на парвядзеньне ля межаў Беларусі вучэньняў NATO.

«Праверка мае комплексны характар. Асабовы склад рушыць у вызначаныя раёны, правядзе шэраг вучэньняў і трэнаваньняў, у тым ліку з баявой стральбой», — адзначалася ў афіцыйным паведамленьні.

На тэрыторыі Беларусі ўвесь час ад моманту расейскага ўварваньня ва Ўкраіну амаль бесьперапынна праводзяцца вайсковыя вучэньні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG