Лінкі ўнівэрсальнага доступу

У Расеі — заключны дзень прэзыдэнцкіх выбараў. Апазыцыя спадзяецца на акцыю «Поўдзень супраць Пуціна»

абноўлена

Галасаваньне дома. Прэзыдэнцкія выбары ў Расеі-2024
Галасаваньне дома. Прэзыдэнцкія выбары ў Расеі-2024

Расейскія апазыцыянэры заклікалі апоўдні зьбірацца каля выбарчых участкаў, каб паказаць сваю нязгоду з палітыкай Пуціна.

17 сакавіка — трэці, заключны дзень галасаваньня на прэзыдэнцкіх выбарах у Расеі. Незалежныя назіральнікі і экспэрты ацэньваюць выбары як несвабодныя. Уладзімір Пуцін, які кіруе Расеяй з 2000 году, балятуецца ўжо на пяты тэрмін.

Акрамя дзейнага кіраўніка, якога ўсё часьцей у заходняй прэсе называюць дыктатарам, на выбарах тры кандыдаты — Уладзіслаў Даванкоў, віцэ-старшыня Дзяржаўнай думы ад партыі «Новыя людзі», дэпутаты Думы Мікалай Харытонаў ад партыі Камуністычнай партыі (КПРФ) і Леанід Слуцкі ад Лібэральна-дэмакратычнай (ЛДПР).

Усім кандыдатам ад непарлямэнцкіх партый і самавылучэнцам, якія зьбіралі подпісы, Цэнтральная выбарчая камісія ў рэгістрацыі адмовіла.

Паводле афіцыйных дзяржаўных расейскіх крыніц, яўка на выбарах перавысіла 60%. Масава галасуюць грамадзяне Расеі ў Аўстраліі, Кіргізстане, Нямеччыне і іншых краінах. Былі спробы падпалаў выбарчых участкаў і псаваньня бюлетэняў, калі скрыні для іх заліваліся чарнілам і зялёнкай. За першыя суткі галасаваньня Сьледчы камітэт завёў мінімум 15 крымінальных спраў па артыкуле аб «перашкодзе працы выбарчых камісій», піша «Новая газета Европа».

На нядзелю апазыцыя аб’явіла акцыю «Поўдзень супраць Пуціна». Яна заклікала пратэставы электарат прыйсьці на выбарчыя ўчасткі да 12 гадзін дня. Такім чынам, нязгодныя з палітыкай Крамля змогуць сустрэцца з аднадумцамі і ўбачыць, што яны не адны. Ідэя належыць экс-дэпутату Заканадаўчага сходу Пецярбургу ад партыі «Яблоко» Максіму Рэзьніку.

Заключны дзень выбараў адбываецца на фоне масавай атакі ўкраінскіх дронаў на аэрапорт у Дамадзедаве і нафтаперапрацоўчыя заводы ў Сызрані і Славянску-на-Кубані. Стаўленьне да вайны зьяўляецца адным з асноўных вымярэньняў (не)ляяльнасьці да палітыкі Пуціна ў цяперашняй Расеі.

Удзельніцу выбарчай камісіі, якая спрабавала абліць зялёнкай бюлетэні ў Іжэўску, адправілі ў СІЗА на 2 месяцы

На 43-гадовую жанчыну пачалі крымінальную справу па артыкуле «Перашкода ажыцьцяўленьню выбарчых правоў або рабоце выбарчых камісій», піша Idel.Realii.

15 сакавіка, будучы членам выбарчай камісіі з правам вырашальнага голасу ад партыі КПРФ, яна спрабавала заліць зялёнкай стос апрацоўкі выбарчых бюлетэняў у памяшканьні на адным з участкаў у Ленінскім раёне сталіцы Удмуртыі.

Інфармацыя абнаўляецца

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG