Лінкі ўнівэрсальнага доступу

Памерла актывістка Анжаліка Калатазішвілі, якая набыла інваліднасьць пасьля памылковай апэрацыі


Анжаліка Калатазішвілі. Архіўнае фота
Анжаліка Калатазішвілі. Архіўнае фота

Пра сьмерць Анжалікі Калатазішвілі, якой у выніку памылковага анкалягічнага дыягназу выдалілі жаночыя органы і зрабілі яе інвалідам 1 групы, стала вядома 14 сакавіка.

Жыхарка райцэнтру Слаўгарад Магілёўскай вобласьці Анжаліка Калатазішвілі пасьля памылковай апэрацыі наноў навучылася хадзіць і сутыкнулася з жыцьцём, поўным нягодаў і абмежаваньняў.

Жанчына стала вядомай пасьля заяваў аб памылковым анкалягічным дыягназе, у выніку якога ёй выдалілі жаночыя органы і зрабілі яе інвалідам 1 групы. Яна настойвала, што мае дакумэнты, якія пацьвярджаюць яе праўду. З 2014 году яна дамагалася кампэнсацыі за шкоду здароўю. Мэдыкі сваёй памылкі не прызнавалі.

Анжаліка Калатазішвілі. Архіўнае фота
Анжаліка Калатазішвілі. Архіўнае фота

У 2018 годзе ейнага мужа, грамадзяніна Грузіі, абвінавацілі ў парушэньні наркатычнага заканадаўства. Спатканьня зь ім у сьледчым ізалятары Магілёва яна дамаглася галадоўкай. Мужа асудзілі на два гады зьняволеньня, а затым дэпартавалі зь Беларусі. Анжаліка Калатазішвілі зьвязвала яго перасьлед са сваімі намаганьнямі атрымаць ад мэдыкаў кампэнсацыю за шкоду здароўю.

Анжаліка Калатазішвілі падчас галадоўкі. Архіўнае фота
Анжаліка Калатазішвілі падчас галадоўкі. Архіўнае фота

Доўгі час Анжаліка жыла ў інтэрнаце адна. Перасоўвалася з дапамогай інваліднага вазка, бо ў выніку працяглага лячэньня ў яе атрафаваліся цягліцы і без апірышча ёй стаяць было цяжка.

У 2020 годзе Слаўгарадзкі раённы суд Магілёўскай вобласьці прызнаў Анжаліку Калатазішвілі вінаватай у распаўсюдзе матэрыялаў экстрэмісцкага характару (артыкул 17.11 частка 2 Кодэксу аб адміністрацыйных правапарушэньнях) і пакараў штрафам у 270 рублёў (10 базавых велічыняў).

14 сакавіка стала вядома, што Анжаліка Калатазішвілі памерла.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG