Лінкі ўнівэрсальнага доступу

Ужо сёньня: 80 год таму забілі Францішка Аляхновіча, аўтара адной зь першых у сьвеце кніг пра савецкую турму


Сымбалічная магіла Францішка Аляхновіча на віленскіх могілках
Сымбалічная магіла Францішка Аляхновіча на віленскіх могілках

Падзеі 3 сакавіка ў беларускай і сусьветнай гісторыі.

Дата дня

3 сакавіка 1944 году ў Вільні быў забіты Францішак Аляхновіч, драматург, пісьменьнік, аўтар адной зь першых у сьвеце кніг пра савецкую турму «Ў капцюрох ГПУ».

Францішак Аляхновіч
Францішак Аляхновіч

Таксама ў гэты дзень

1067 — адбылася бітва на рацэ Нямізе паміж войскам Усяслава Чарадзея і злучанымі дружынамі князёў Кіеўскай Русі. Першая згадка Менску ў крыніцах.

Помнік Усяславу Чарадзею, Полацак
Помнік Усяславу Чарадзею, Полацак

1861 — у Расейскай імпэрыі скасаванае прыгоннае права: Аляксандар II выдаў маніфэст аб вызваленьні сялян.

1878 — паміж Расеяй і Турэччынай падпісаная Сан-Стэфанская мірная дамова. У складзе Асманскай імпэрыі ўтворанае аўтаномнае княства Вялікая Баўгарыя. Адзначаецца ў Баўгарыі як дзень вызваленьня ад асманскага панаваньня.

1917 — у Кіеве ўтвораная Ўкраінская Цэнтральная Рада.

1918 — падпісаны Берасьцейскі мір паміж Расеяй і Нямеччынай. Паводле ўмоваў міру Расея адмаўлялася ад часткі тэрыторыі Беларусі па лініі Дзьвінск — Сьвянцяны — Ліда — Пружаны — Берасьце. Прадстаўнікоў Беларусі не запрасілі на падпісаньне гэтай мірнай дамовы.

Падпісаньне Берасьцейскай мірнай дамовы паміж дэлегацыямі Нямеччыны з Аўстра-Вугоршчынай і Расеі, 1918
Падпісаньне Берасьцейскай мірнай дамовы паміж дэлегацыямі Нямеччыны з Аўстра-Вугоршчынай і Расеі, 1918

1933 — у Потсдаме канцлер Нямеччыны Адольф Гітлер абвясьціў пра ўтварэньне «Трэцяга райху».

1991 — на рэфэрэндуме ў Латвіі 74% насельніцтва прагаласавалі за незалежнасьць ад СССР, у Эстоніі — 83%.

У гэты дзень нарадзіліся

1843 Аляксандар Бэл, амэрыканскі навуковец, вынаходнік тэлефона.

1942 Уладзімер Кавалёнак, беларускі касманаўт.

Уладзімер Кавалёнак разам зь Юрасём Хадыкам падчас мітынгу на плошчы, жнівень 1991 году. Фота Ул. Кармілкіна.
Уладзімер Кавалёнак разам зь Юрасём Хадыкам падчас мітынгу на плошчы, жнівень 1991 году. Фота Ул. Кармілкіна.

1953 Валеры Масьлюк, беларускі рэжысэр.

Валеры Масьлюк
Валеры Масьлюк

У памяці

1767 Ян Гляўбіц, клясык беларускай архітэктуры.

1900 Валенці Швыкоўскі, маршалак пружанскі, удзельнік паўстаньня 1863 году, мэцэнат.

1953 Мікола Равенскі, беларускі кампазытар, аўтар гімну «Магутны Божа».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG