У гадавіну знаходжаньня аднаго з самых вядомых палітыкаў Беларусі ў рэжыме інкамунікада Сьвятлана Ціханоўская далучылася да міжнароднай кампаніі падтрымкі «Пакажыце Статкевіча!», якую ініцыявала «Народная Грамада».
«Я заклікаю ўсіх нашых міжнародных партнэраў: мэдыя, палітыкаў, актывістаў — патрабуйце ад рэжыму паказаць Мікалая Статкевіча. Аказвайце максымальны ціск на рэжым. Нам трэба давесьці, што ніякае злачынства не застанецца беспакараным і за яго трэба будзе несьці адказнасьць», — адзначыла ў звароце беларуская лідэрка.
- Палітык Мікола Статкевіч знаходзіцца за кратамі амаль 4 гады. 14 сьнежня 2021 году яму вынесьлі прысуд: 14 гадоў зьняволеньня ў калёніі асаблівага рэжыму.
