Лінкі ўнівэрсальнага доступу

Былога прарасейскага дэпутата Вярхоўнай Рады Ўкраіны Ківу знайшлі мёртвым у Падмаскоўі


Ільля Ківа
Ільля Ківа

Як паведамляе расейскае інфармацыйнае агенцтва «РИА Новости» ў падмаскоўнай вёсцы Супонева знойдзена цела, як мяркуецца, былога дэпутата Вярхоўнай Рады Ўкраіны Ільлі Ківы.

Украінскае выданьне «Суспільне» са спасылкай на прадстаўніка Галоўнага ўпраўленьня выведкі Мінабароны Ўкраіны Андрэя Юсава паведамляе, што Ківа быў забіты ўкраінскімі спэцслужбамі.

У лістападзе сёлета Лычакіўскі раёны суд Львова завочна асудзіў Ківу на 14 гадоў пазбаўленьня волі паводле трох артыкулаў Крымінальнага кодэксу, у тым ліку і за дзяржаўную здраду.

Ківа быў дэпутатам ад прарасейскай «Апазыцыйнай плятформы — За жыцьцё». Пасьля ад’езду з Украіны ў Расею часта браў удзел у прапагандысцкіх перадачах расейскай і беларускай тэлевізіі.

У жніўні сёлета ён браў удзел у так званым «антыфашысцкім кангрэсе» ў Менску.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG