Лінкі ўнівэрсальнага доступу

У Беластоку судзяць беларуса і расейца, якіх абвінавачваюць у шпіянажы. Вынясеньне прысуду раптоўна адклалі


Cуд у Белай Падляскай, Польшча. Архіўнае ілюстрацыйнае фота
Cуд у Белай Падляскай, Польшча. Архіўнае ілюстрацыйнае фота

Беластоцкі раённы суд 4 сьнежня ня вынес прысуд у справе расейца і беларуса, якіх абвінавачваюць у шпіянажы на карысьць расейскай ваеннай выведкі. Судовае сьледзтва нечакана аднавілі, паведамляе Gazeta Wyborcza.

Паседжаньне працягвалася ня больш за 10 хвілін. Судзьдзя Гражына Завадзкая-Лотка паведаміла, што судовае сьледзтва адноўленае і слуханьні будуць далей праходзіць у закрытым рэжыме.

Удзельнікі працэсу, у тым ліку адвакаты, адмовіліся ад камэнтароў, спасылаючыся на пункт аб канфiдэнцыйнасьці. Адзін з абвінавачаных (беларус ці расеец — не ўдакладняюць), калі яго вывелі з залі суду, у калідоры сказаў журналістам: «Я невінаваты».

Наступнае слуханьне судзьдзя прызначыла на 1 лютага 2024 году. Мужчыны застаюцца пад вартай.

Прысуд у справе павінны былі вынесьці 4 сьнежня. Абодвух падсудных даставілі ў залю суду ў кайданках, адзначае выданьне.

Сёлета ў студзені Варшаўская акруговая пракуратура ўнесла ў акруговы суд Беластоку абвінаваўчую выснову супраць грамадзян Расеі і Беларусі. Іх абвінавацілі ў вядзеньні шпіёнскай дзейнасьці на карысьць расейскай вайсковай выведкі з 2017 па красавік 2022 году. Абодвух затрымалі летась вясной у Беластоку.

  • Летась у канцы красавіка прэс-сакратар міністра-каардынатара польскіх спэцслужбаў Станіслаў Жарын паведаміў аб затрыманьні грамадзяніна Расеі і грамадзяніна Беларусі, якія, паводле зьвестак польскіх службаў, займаліся шпіёнскай дзейнасьцю ў Польшчы.
  • Паводле інфармацыі сьледзтва, беларус і расеец здабывалі для ГРУ зьвесткі аб падразьдзелах польскай арміі, якія дысьлякаваліся ў паўночна-ўсходняй частцы Польшчы.
  • Абодвум выставілі абвінавачаньні, суд вырашыў часова арыштаваць іх на тры месяцы. Пасьля арышт працягнулі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG