Лінкі ўнівэрсальнага доступу

У Маскве паліцыя правяла рэйды ў гей-клюбах і саўнах


Расейская актывістка Ганна Сьліва на адзіночным пікеце ў цэнтры Масквы, сьнежань 2023 году.
Расейская актывістка Ганна Сьліва на адзіночным пікеце ў цэнтры Масквы, сьнежань 2023 году.

У Маскве паліцыя правяла рэйды ў ЛГБТ-фрэндлі клюбах і саўнах, паведамляе «Осторожно, Москва».

У адным з клюбаў праходзіла вечарынка для ЛГБТ-кам’юніці, у якой удзельнічалі каля трохсот чалавек. Паліцыянты ўварваліся ва ўстанову пад маркай пошуку наркотыкаў. Падчас рэйду ў наведвальнікаў праверылі дакумэнты, сфатаграфавалі пашпарты і адпусьцілі.

Аналягічныя аблавы прайшлі яшчэ як мінімум у двух начных клюбах, адным бары і саўнах. Там паліцыянты таксама «шукалі наркотыкі». «Парушэньняў ня выяўлена, але настрой сапсавалі. У саўне было непадзельна, з маскамі-шоў, усіх мордай ўніз паклалі», — цытуе «Асьцярожна, Масква» відавочцаў.

Таксама ў Санкт-Пецярбургу закрыўся клюб «Цэнтральная станцыя». «Пляцоўку, якую мы арандавалі, нам адмовіла ў рабоце з прычыны закона. Просім прабачэньня, мы больш не працуем. Да новых сустрэч!» — гаворыцца ў цяпер ужо адзіным пасьце клюба ва «УКантакце».

  • 30 лістапада Вярхоўны суд Расеі прызнаў неіснуючы міжнародны рух ЛГБТ+ экстрэмісцкім і забараніў яго дзейнасьць у Расеі.
  • Прызнаньне арганізацыі экстрэмісцкай азначае сярод іншага забарону на дэманстрацыю яе сымболікі, а любая не адмоўная ацэнка можа трактавацца як апраўданьне экстрэмізму або заклікі да ажыцьцяўленьня экстрэмісцкай дзейнасьці.
  • Паколькі «міжнародны грамадзкі рух ЛГБТ» не існуе, незразумела, якіх арганізацый і як менавіта закране забарону на яго дзейнасьць. Некаторыя юрысты не выключалі рызыкі для профільных праваабарончых арганізацый і наведнікаў ЛГБТ-клюбаў. У Расеі выказваюцца асьцярогі і за ЛГБТ-людзей, якія проста жывуць у Расеі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG