Гэта адбылося на фоне заканчэньня тэрміну дзеяньня абмежаваньняў ААН на ракетную дзейнасьць Ірану ў адпаведнасьці з рэзалюцыяй Рады бясьпекі.
Упраўленьне па кантролі за замежнымі актывамі Міністэрства фінансаў ЗША наклала санкцыі на 11 асобаў, 8 арганізацый і адно судна за імаверную падтрымку Корпусу вартавых ісламскай рэвалюцыі, Міністэрства абароны і матэрыяльна-тэхнічнага забеспячэння ўзброеных сіл у вытворчасці ракет і бесьпілётнікаў.
Пад санкцыі трапілі іранскія фірмы па вытворчасьці абсталяваньня і іх дырэктары, ганконскі дыстрыб'ютар электронных кампанэнтаў, некалькі іранскіх чыноўнікаў, у тым ліку аташэ па абароне ў Вэнэсуэле Джабер Рэйхані, а таксама судна PARNIA, якое выкарыстоўвалася для экспарту абаронных грузаў.
- Раней Расея і Іран нагадалі аб спыненьні ракетнага эмбарга Рады Бясьпекі ААН супраць Тэгерану, уведзенага ў 2015 годзе. Гэта эмбарга забараняла продаж ракетных тэхналёгій Ірану і закупку ў яго балістычных ракет.
- Зьняцьце санкцый ААН адкрывае для Масквы магчымасьць адкрыта купляць балістычныя ракеты ў Ірану і надаваць яму ракетныя тэхналёгіі. Раней аб такіх рызыках папярэджвалі спэцслужбы заходніх краін.
- Яшчэ ў 2022 годзе Washington Post са спасылкай на двух афіцэраў выведкі саюзьніка ЗША паведамляла, што Масква хоча атрымаць ад Тэгерана ракеты Fateh-110 і Zolfagar з далёкасьцю 300 і 700 кілямэтраў адпаведна.
- Мінабароны Ўкраіны і армія раней папярэджвалі, што Масква можа назапашваць ракеты для зімовых удараў па энэргасыстэме.
