Цэнтар нацыянальнага супраціву, які зьвязваюць з вайсковай выведкай і Сіламі спэцыяльных апэрацый Украіны, паведаміў, што некаторыя вагнэраўцы, якія выехалі зь Беларусі, перадавалі свой баявы досьвед ХАМАС.
«Ключавымі кірункамі падрыхтоўкі баевікоў ХАМАС стала навучаньне штурму і выкарыстаньню малых бесьпілётных апаратаў для скіданьня выбуховых матэрыялаў. Сярод хаўрусьнікаў ХАМАС толькі расейцы маюць досьвед выкарыстаньня дронаў з мэханізмамі скіданьня па тэхніцы ворага. Менавіта гэты досьвед вагнэраўцы перадавалі баевікам ХАМАС на вучэньнях у краінах Афрыкі», — адзначаецца ў паведамленьні цэнтру.
- Раніцай 7 кастрычніка палестынская радыкальная групоўка ХАМАС атакавала Ізраіль.
- З сэктару Газа прарваўся дэсант, які пачаў захопліваць паселішчы, браць закладнікаў і расстраляў багата людзей проста на вуліцах.
- 8 кастрычніка да атакі падключыліся радыкальныя ісламісты зь Лібану.
- Уварваньне з тэрыторыі Газы адбылося ў 50-ю гадавіну пачатку вайны Суднага дня 1973 году.
