У пачатку сакавіка Максіма Каца аб’явілі ў міжнародны вышук.
Суд у Маскве завочна прысудзіў 8 гадоў калёніі палітыку Максіму Каца ў справе аб ваенных «фэйках» за відэа пра забойствы ў Бучы (паводле артыкулу аб палітычнай нянавісьці). Пра гэта паведамілі «Настоящему времени» ў прэс-службе суду.
Суд таксама забараніў Кацу адміністраваць сайты цягам чатырох гадоў.
Дзяржабвінавачаньне прасіла прызначыць яму 10 гадоў калёніі і забараніць на працягу 5 гадоў адміністраваць сайты.
Падставай для справы ў дачыненьні да Каца стаў разьмешчаны на ягоным ютуб-канале 3 красавіка 2022 году відэазапіс, у якім ён распаўсюдзіў інфармацыю, якая зьмяшчае дадзеныя аб выкарыстаньні Узброенымі сіламі Расеі для зьнішчэньня населеных пунктаў і цывільнага насельніцтва ва Ўкраіне. У відэа гаворка ішла аб забойствах мірных жыхароў у акупаваным Расеяй украінскім горадзе Буча.
Палітык віны не прызнаў, хаця не адмаўляў, што апублікаваў гэты ролік. Відэа ўжо паглядзелі 2,3 мільён разоў.
У канцы сакавіка 2023 года Басманны раённы суд Масквы завочна арыштаваў Макісма Каца на два месяцы. У пачатку сакавіка яго аб’явілі ў міжнародны вышук.
У цяперашні час Кац знаходзіцца ў Ізраілі. У ліпені 2022 года Міністэрства юстыцыі РФ прызнала яго «замежным агентам», дзейнасьць якога фінансуецца з Украіны. А ў кастрычніку 2022 году Каца ўнесьлі ў базу «Миротворець» як пагрозу бясьпецы Ўкраіны.
Буча знаходзілася пад кантролем расейскіх войскаў з канца лютага па 31 сакавіка леташняга году. Пасьля адступленьня расейскіх войскаў у горадзе знайшлі мноства целаў забітых цывільных і масавыя пахаваньні.
Як зьмянілася Буча праз год пасьля расейскага ваеннага ўварваньня ва Ўкраіну. Фотапараўнаньне
2022
2023
1/17
Адна з цэнтральных вуліц горада 1 сакавіка 2022 года і новая шаша ў траўні 2023 года (справа).
Акупацыя Бучы на пачатку поўнамаштабнага ўварваньня доўжылася 28 дзён — з 3 па 31 сакавіка 2022 года
2022
2023
2/17
Падчас руху калёны расейскіх войскаў праз горад расейцы вялі бязладны агонь па жылых дамах, кажуць мясцовыя жыхары, Буча, Кіеўская вобласьць, 1 сакавіка 2022 г. Справа — фота лютага 2023 года
2022
2023
3/17
Паводле афіцыйных зьвестак, у Бучы расейскімі захопнікамі было пашкоджана больш за 2,5 тысячы збудаваньняў. Агульны ўрон, нанесены гораду, ацанілі больш за 5 мільярдаў грыўняў. У верасьні мінулага года мэр Анатоль Федарук заявіў, што ў горадзе будуць зьнесены 372 прыватныя дамы і два шматпавярховікі. Яны не падлягаюць аднаўленьню
2022
2023
4/17
1 сакавіка 2022 г. Буча, вул. Вакзальная. Паводле рэканструктараў, трыццацікілямэтровая калёна расейскай тэхнікі прайшла празь увесь горад да Ірпеня, а адтуль плянавалася цягам 3 дзён паехаць у Кіеў, каб забраць яго. Справа вуліца Вакзальная ў Бучы ў траўні 2023 года
2022
2023
5/17
Тады гэтай калёне спачатку перашкаджалі добраахвотнікі з Бучы, пазьней яе зьнішчылі Ўзброеныя сілы Ўкраіны
2022
2023
6/17
У рамках праекта «Надзея на Бучы» ў канцы кастрычніка 2022 года стартаваў праект па аднаўленьні вуліцы Вакзальная. Адначасова было падпісана пагадненьне паміж гарадзкой радай Бучы і Vespa Group, падрадчыкам праекта. Рэканструкцыя стала магчымай дзякуючы фінансавай падтрымцы фонду Говарда Бафета. Асноўнымі партнэрамі ў рэалізацыі праграмы зьяўляюцца ГА «Якасьць жыцця», Кіеўская гарадзкая ваенная адміністрацыя, Бучанская гарадзкая рада, Міністэрства развіцьця грамад і тэрыторый
2022
2023
7/17
Мужчына глядзіць на цела расейскага вайскоўца, якое ляжыць каля вайсковай машыны, Буча, Кіеўская вобласьць, 1 сакавіка 2022 году
2022
2023
8/17
Цела загінулага расейскага вайскоўца. Горад Буча Кіеўскай вобласьці 1 сакавіка 2022 г. Там жа ў траўні 2023 года
2022
2023
9/17
Мясцовая жыхарка Вольга: «Калі мой бацька будаваў хату, то пад ёй зрабіў каменны склеп. І завяшчаў нам, што «калі што, то гэта ваша бамбасховішча». Гэта значыць, заліў там маналітную пліту. І гэта ўсё. Мы запомнілі гэтыя словы і, вядома ж, уладкаваліся там — паклалі дыванкі. Спачатку адчувалі сябе добра, глядзелі тэлевізар, часам бегалі. Потым, як здарылася, глядзім: танкі пачалі страляць ужо ў нашым двары. Мы ўжо кінуліся ў падвал, і сядзелі там 7 гадзін. Скрыгаталі гусеніцамі танкі, ішоў страшны бой, і два танкі схаваліся за нашым домам. Спыніліся каля нашых дамоў. Танкі хаваліся за дамамі, я так разумею. 7 гадзін гэтага кашмару: там і старыя, і дзеці. Мы ўжо разьвіталіся з жыцьцём. А потым выйшлі і ўбачылі гэтую жудасную карціну. Як нейкі «армагедон». Горад Буча Кіеўскай вобласьці 1 сакавіка 2022
2022
2023
10/17
2 студзеня 2023 года мэр Бучы паведаміў, што каля 523 прыватных дамоў маюць розную ступень разбурэньня: зь іх 70 дамоў былі цалкам разбураныя з-за расейскага ўварваньня
2022
2023
11/17
За год вуліцу Вакзальную не пазнаць — амэрыканская некамэрцыйная арганізацыя Global Empowerment Mission (GEM) разам з партнэрамі і ўладамі адрамантавалі 110 будынкаў, прыкладна ў 20 зь іх праведзены больш значныя рамонты, адноўлены вокны і дахі. амаль усюды. Але самае галоўнае, што 12 цалкам разбураных дамоў былі адноўлены з нуля
2022
2023
12/17
Вуліца Вакзальная і спаленая расейская армейская тэхніка, горад Буча, Кіеўская вобласьць, 1 сакавіка 2022 году. Тое самае месца на фота справа з траўня 2023 года
2022
2023
13/17
Акрамя таго, у выніку актыўных баявых дзеяньняў расейскія войскі таксама зьнішчылі большую частку інфраструктуры: электрычныя слупы, камунікацыі, дарожнае пакрыцьцё — усё гэта таксама аднаўлялі дабрачынцы сумесна з гарадзкімі ўладамі
2022
2023
14/17
Вуліца Вакзальная і спаленая расейская армейская тэхніка, горад Буча, Кіеўская вобласьць, 1 сакавіка 2022 году. Фота справа — травень 2023 года
2022
2023
15/17
Мясцовыя жыхары Натальля і Рустэм: «Дом цэлы, але тое, што па цаглінах выкладвала і зьбірала сама — на старасьці гадоў вырашыла палегчыць жыцьцё. Бачыце, як гэта здарылася — цяпер пачаць спачатку? Было вельмі цяжка, вельмі страшна сядзець у падвале, як усё грукатала. Яны лічылі, што ў нас самая бясьпечная зона. І бачыце, як атрымалася». Горад Буча Кіеўскай вобласьці 1 сакавіка 2022 г.
Натальля на фота ў лютым 2023 года (справа): «Усе побач, усе жывыя»
2022
2023
16/17
Вуліца Вакзальная і спаленая расейская армейская тэхніка, горад Буча, Кіеўская вобласьць, 1 сакавіка 2022 году.
На фота справа вуліца Вакзальная ў траўні 2023 года
2022
2023
17/17
Людзі пакідаюць акупаваную тады расейскімі вайскоўцамі Бучу, фота 11 сакавіка 2022 году.
