Лінкі ўнівэрсальнага доступу

Расейскія войскі абстралялі Херсонскую, Днепрапятроўскую і Харкаўскую вобласьці. Загінулі два чалавекі


Ілюстрацыйнае фота. Наступствы начных абстрэлаў Адэскай вобласьці 16 жніўня 2023 году
Ілюстрацыйнае фота. Наступствы начных абстрэлаў Адэскай вобласьці 16 жніўня 2023 году

Расейскія войскі днём 16 жніўня абстралялі Херсонскую, Днепрапятроўскую і Харкаўскую вобласьці, у выніку чаго загінулі два чалавекі, яшчэ некалькі чалавек атрымалі раненьні.

У Херсонскай вобласьці пад абстрэл трапіла вёска ў Берыслаўскім раёне, загінуў мясцовы жыхар, паведаміла прэс-служба офіса генэральнага пракурора Ўкраіны.

У выніку абстрэлаў Мяжэўскай грамады Сінельнікаўскага раёну Днепрапятроўскай вобласьці загінуў 18-гадовы хлопец. Яшчэ чатыры чалавекі пацярпелі, сярод іх двухгадовае дзіця, паведаміў кіраўнік абласной вайсковай адміністрацыі Сяргей Лысак. Дзіця ў здавальняючым стане. Таксама ў выніку абстрэлаў загарэлася сельгаспрадпрыемства, агонь ахапіў больш за 400 квадратных мэтраў.

У Харкаўскай вобласьці расейскія войскі абстрэльвалі населеныя пункты Харкаўскага, Купянскага і Чугуеўскага раёнаў, паведаміў кіраўнік абласной вайсковай адміністрацыі Алег Сінягубаў. Ад абстрэлу загарэліся прыватныя і дачныя дамы. Паводле яго, інфармацыя пра пацярпелых не паступала.

У ноч на 16 жніўня Расея атакавала Адэскую вобласьць дронамі-камікадзэ тыпу «Шахед». У выніку атакі на адзін з партоў на Дунаі пашкоджаньні атрымалі складзкія памяшканьні і збожжасховішчы, узьніклі пажары, якія апэратыўна патушылі супрацоўнікі Дзяржаўнай службы з надзвычайных сытуацый. Ахвяраў і пацярпелых у выніку начнога нападу па рэгіёне няма.

У камандаваньні Паветраных сіл Украіны паведамілі, што расейскія войскі атакавалі Адэскую вобласьць некалькі разоў за ноч, дроны запускалі з Прыморску-Ахтарску Краснадарскага краю і Чауды ў анэксаваным Крыме. Сілы СПА зьбілі 13 ударных бесьпілётнікаў, паведамілі ў камандаваньні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG