У Менску судзяць кіраўніка буйной кампаніі за 1100 камэнтароў пра Лукашэнку, чыноўнікаў і судзьдзяў

У Менску будуць судзіць 46-гадовага жыхара гораду, які пакінуў 1100 нэгатыўных камэнтароў, паведаміла прэс-служба Сьледчага камітэту.

Паводле вэрсіі ведамства, пакінутыя ім паведамленьні «прынізілі гонар і годнасьць» пацярпелых. Увогуле было ўстаноўлена «больш за 140 эпізодаў злачыннай дзейнасьці».

Мужчыну затрымалі летась у сьнежні. У Сьледчым камітэце адзначылі, што абвінавачаны жанаты, выхоўваў сына, займаў кіроўную пасаду ў буйной кампаніі, якая пастаўляе кампутарную тэхніку ў Беларусь.

Дзеяньні 46-гадовага менчука кваліфікавалі паводле трох артыкулаў Крымінальнага кодэксу:

• ч. 1 арт. 368 (абраза Лукашэнкі — да 5 гадоў пазбаўленьня волі);
• арт. 369 (публічная абраза прадстаўніка ўлады — да 3 гадоў пазбаўленьня волі);
• арт. 391 (абраза судзьдзі — да 3 гадоў абмежаваньня волі).

З санкцыі пракурора мужчыну ўзялі пад варту.

ГЛЯДЗІЦЕ ТАКСАМА:

Лукашэнка прызначыў у Вярхоўны суд трох чалавек, якія судзілі Ашурка, Аўтуховіча, у «справе Зельцара» і за данаты

ГЛЯДЗІЦЕ ТАКСАМА:

Сілавікі прымусілі дваіх беларусаў выправіць татуіроўкі з апазыцыйнай сымболікай