Лінкі ўнівэрсальнага доступу

У Расеі на акцыях у падтрымку Навальнага затрымалі каля 90 чалавек. Навальны з турмы перадаў прывітаньне палітвязьням Беларусі

абноўлена

На акцыі ў падтрымку Навальнага ў Санкт-Пецярбургу
На акцыі ў падтрымку Навальнага ў Санкт-Пецярбургу

У Расеі на акцыях у падтрымку апазыцыйнага палітыка Аляксея Навальнага затрымалі як найменей 90 чалавек, падлічыў праваабарончы праект «ОВД-Инфо».

Паводле зьвестак праекту, мінімум чацьвёра з затрыманых непаўналетнія, сярод затрыманых адзін журналіст.

«Паветраныя шарыкі, надпісы на асфальце і іншыя абсурдныя абставіны становяцца сёньня падставамі для затрыманьняў», — адзначаюць праваабаронцы, указваючы, што публікуюць толькі імёны тых людзей, пра затрыманьне якіх ім дакладна вядома. Насамрэч затрыманьняў можа быць больш.

Аляксею Навальнаму, які сядзіць у калёніі ва Ўладзімірскай вобласьці Расеі, 4 чэрвеня споўнілася 47 гадоў. Яго прыхільнікі раней анансавалі сусьветную акцыю ў яго падтрымку ў дзясятках гарадоў па ўсім сьвеце.

Пры гэтым частка палітолягаў і грамадзкіх дзеячаў, а таксама некаторыя з прыхільнікаў Навальнага папярэджвалі людзей, якія жывуць у Расеі, што для іх выхад на вуліцу можа абярнуцца крымінальнай або адміністрацыйнай справай.

У допісе, які апублікавалі ў дзень народзінаў у Тэлеграм-канале Навальнага, ён перадае прывітаньне «ўсім палітвязьням Расеі, Беларусі і іншых краін. Большасьці зь іх значна цяжэй, чым мне. Я думаю пра іх увесь час. Іх стойкасьць натхняе мяне кожны дзень».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG