Лінкі ўнівэрсальнага доступу

Іран: мы створым вайскова-марскі альянс з краінамі Пэрсыдзкай затокі


Шахрам Ірані, камандзір іранскіх вайскова-марскіх сіл
Шахрам Ірані, камандзір іранскіх вайскова-марскіх сіл

Камандуючы ВМС Ірану Шахрам Ірані заявіў, што яго краіна і Саудаўская Арабія, а таксама тры іншыя краіны створаць альянс.

Краіны Пэрсыдзкай затокі плянуюць стварыць вайскова-марскі альянс. Туды таксама ўвойдуць Індыя і Пакістан, паведамляюць іранскія СМІ.

«Краіны рэгіёну сёньня ўсьвядомілі, што толькі супрацоўніцтва адна з адной гарантуе бясьпеку рэгіёну», — цытуюць мэдыя Шахрама Ірані.

Ён не паведаміў, на якім узроўні будзе створаны альянс, але сказаў, што ідэю рэалізуюць найбліжэйшым часам.

Апошнім часам Іран паспрабаваў выправіць напружаныя адносіны зь некалькімі арабскімі краінамі Пэрсыдзкай затокі. У сакавіку Саудаўская Арабія і Іран спынілі сямігадовыя ваенныя дзеяньні ў Емэне праз пагадненьне пры пасярэдніцтве Кітая, якое падкрэсьлівала важнасьць рэгіянальнай стабільнасьці і эканамічнага супрацоўніцтва.

Новы падыход Саудаўскай Арабіі да Ірану выклікаў гнеў у Ізраілі, які спрабуе дыпляматычна ізаляваць Іран.

Аб’яднаныя Арабскія Эміраты, першая арабская краіна Пэрсыдзкай затокі, якая падпісала пагадненьне з Ізраілем аб нармалізацыі адносін у 2020 годзе, аднавіла сувязі з Іранам летась. Пазьней да Эміратаў у аднаўленьні сувязяў з Ізраілем далучыліся Бахрэйн і Марока.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG