Лінкі ўнівэрсальнага доступу

Як у Зэльве 40 гадоў таму разьвітваліся з Ларысай Геніюш. ФОТА


Пахаваньне Ларысы Геніюш у Зэльве. 10 красавіка 1983 году. Здымкі зьберагаюцца ў Беларускай бібліятэцы імя Францішка Скарыны ў Лёндане
Пахаваньне Ларысы Геніюш у Зэльве. 10 красавіка 1983 году. Здымкі зьберагаюцца ў Беларускай бібліятэцы імя Францішка Скарыны ў Лёндане

На пахаваньні паэткі Ларысы Геніюш 10 красавіка 1983 году былі тысячы людзей, якія прыехалі з розных гарадоў Беларусі. За працэсіяй сачылі савецкія спэцслужбы.

Разьвітваліся з паэткай Ларысай Геніюш 10 красавіка 1983 году. Праводзіць яе ў Зэльву прыехалі тысячы людзей. За пахаваньнем назіралі службоўцы ў цывільным з Зэльвы і Ваўкавыску.

Здымкі з пахаваньня зьберагаюцца ў Беларускай бібліятэцы імя Францішка Скарыны ў Лёндане.

Пахаваньне Ларысы Геніюш у Зэльве. 10 красавіка 1983 году
Пахаваньне Ларысы Геніюш у Зэльве. 10 красавіка 1983 году

Сьвятара зэльвенскай Сьвята-Траецкай царквы запалохвалі і настойвалі, каб не было адпяваньня. Але айцец Васіль Чыкіда адпяваў Ларысу Геніюш чатыры гадзіны. Ён назваў яе чалавекам «з крыштальна чыстай душой, чые творы будуць жыць вечна».

Пахаваньне Ларысы Геніюш у Зэльве. 10 красавіка 1983 году
Пахаваньне Ларысы Геніюш у Зэльве. 10 красавіка 1983 году

Ад храма да могілак людзі несьлі труну на плячах.

Пахаваньне Ларысы Геніюш у Зэльве. 10 красавіка 1983 году
Пахаваньне Ларысы Геніюш у Зэльве. 10 красавіка 1983 году

На могілках выступілі Адам Мальдзіс і Ўладзімер Арлоў. Арлоў прачытаў верш Сержука Сокалава-Воюша, напісаны на сьмерць паэткі.

Напярэдадні пісьменьнікаў з Горадні і Менску выклікалі ў райвыканкам і папярэджвалі, каб тыя не гаварылі на пахаваньні прамоваў.

7 красавіка ў Вільні ў 18:00 пройдзе вечарына памяці беларускай паэткі Ларысы Геніюш. Роўна 40 гадоў таму ў гэты дзень яна памерла.

Вечарыну яе памяці правядзе літаратар і журналіст Сяргей Дубавец, які асабіста ведаў Ларысу Антонаўну.

Вечарына пройдзе ў Віленскім Цэнтры беларускай культуры і супольнасьці (вуліца Vilniaus, 20).

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG