Армэнія і Турэччына плянуюць упершыню за тры дзесяцігодзьдзі адкрыць памежныя пункты паміж дзьвюма краінамі і зрабіць гэта на пастаяннай аснове.
Інфармацыю пацьвердзілі афіцыйныя асобы ў Армэніі.
Першапачаткова сухапутная мяжа будзе адкрыта толькі для дыпляматаў і грамадзян трэціх краін да пачатку турыстычнага сэзону, заявіў міністар замежных спраў Армэніі Арарат Мірзаян.
Паміж Армэніяй і Турэччынай ужо існуе прамое авіязлучэньне. Турэччына ў аднабаковым парадку закрыла сухапутную мяжу ў 1993 годзе ў падтрымку Азэрбайджану на фоне канфлікту ў Нагорным Карабаху. Закрыцьцё мяжы тады выклікала сур’ёзныя эканамічныя праблемы для Армэніі. Цяпер дачыненьні Ерэвану і Стамбулу паступова выпраўляюцца.
