Мытня Турэччыны блякуе афармленьне транзыту ў Расею грузаў з таварамі, якія трапілі пад санкцыі, заявілі радыёстанцыі «Коммерсант FM» удзельнікі расейскага лягістычнага рынку.
Праблемы ўзьніклі з транзытам санкцыйных тавараў, якія дастаўляюць у Расею па схеме паралельнага імпарту, удакладняе «Настоящее время».
«Яшчэ ўчора мы пачалі атрымліваць апавяшчэньні ад агентаў наконт таго, што скасоўваюцца раней узгодненыя букінгі вылетаў. Сказалі, што прычына ў тым, што транзытныя для Турэччыны грузы больш не адпраўляюць у Расею», — распавёў гендырэктар кампаніі «Аптымалог» Георгій Уластопула.
