Расея абвясьціла ў вышук кіраўніка агенцтва расьсьледаваньняў Bellingcat

Хрыста Грозеў
Хрыста Грозеў

Bellingcat вядомае шэрагам расьсьледаваньняў, у тым ліку вакол расейска-ўкраінскай вайны.

Журналіста і кіраўніка агенцтва расьсьледаваньняў Bellingcat Хрыста Грозева дадалі ў базу вышуку МУС Расеі, паведаміла «Медиазона».

Па якім артыкуле Крымінальнага кодэксу яго шукаюць, пакуль невядома.

Хрыста Грозеў — журналіст-расьсьледавальнік. Сумесна з Аляксеем Навальным ён расьсьледаваў атручэньне палітыка, а таксама шэраг дзеяньняў расейскага кіраўніцтва адносна вайны супраць Украіны. Напрыклад, Bellingcat займаўся высьвятленьнем асоб і злачынстваў байцоў расейскай прыватнай вайсковай кампаніі «Вагнэр».

Улетку гэтага году ФСБ абвінаваціла Грозева ў дапамозе ўкраінскай выведцы.

На пачатку сьнежня ў Bellingcat заявілі, што правядуць уласнае расьсьледаваньне абставін сьмерці былога міністра замежных спраў Беларусі Ўладзімера Макея. Журналісты выказалі здагадку, што ягоная сьмерць магла быць невыпадковай.

​
XS
SM
MD
LG