Пра гэта заявіў на брыфінгу прэс-сакратар старшыні Эўрапейскай рады Барэнд Лейтс.
«Я магу пацьвердзіць, што саміт ЭЗ — Украіна адбудзецца 3 лютага, і ёсьць адкрытае запрашэньне прэзыдэнту Зяленскаму наведаць Брусэль», — сказаў Лейтс на сёньняшнім брыфінгу.
Ён адзначыў, запрашэньне Уладзіміра Зяленскага ў Брусэль не азначае, што саміт будзе праходзіць менавіта там.
21 сьнежня Уладзімір Зяленскі прыляцеў зь візытам у ЗША. Гэта ягоная першая замежная паездка пасьля шырокамаштабнага расейскага ўварваньня ва Ўкраіну ў лютым 2022 году.
