Лінкі ўнівэрсальнага доступу

Прэзыдэнт Сэрбіі паабяцаў, што ніхто ня зможа абысьці санкцыі ЭЗ супраць Расеі празь яго краіну


Прэзыдэнт Сэрбіі Аляксандар Вучыч і кіраўніца Эўракамісіі Урзуля фон дэр Ляен
Прэзыдэнт Сэрбіі Аляксандар Вучыч і кіраўніца Эўракамісіі Урзуля фон дэр Ляен

«Мы адрэагавалі на выпадкі рээкспарту пэўных тавараў, і нашы дзяржаўныя органы затрымалі людзей з кампаніяў, залучаных да абыходу санкцыяў супраць Расейскай Фэдэрацыі», — сказаў прэзыдэнт Сэрбіі Аляксандар Вучыч пасьля сустрэчы з эўракамісарам у пытаньнях пашырэньня Олівэрам Вархэі.

Пра гэта паведамляе агенцтва Reuters.

Сэрбію, якая імкнецца ўступіць у ЭЗ, крытыкавалі палітыкі і дыпляматы Эўразьвязу за тое, што яна афіцыйна не ўвяла санкцыі супраць Расеі за ўварваньне ва Ўкраіну.

Сэрбія імпартуе ўвесь свой газ з Расеі, а кантрольны пакет акцыяў адзінай нафтавай кампаніі NIS належыць расейскім кампаніям «Газпромнефть» і «Газпром».

Расея — галоўны хаўрусьнік Сэрбіі ў непрыманьні незалежнасьці яе былой правінцыі Косава.

«Я вітаю пасланьне прэзыдэнта аб тым, што ён дапаможа нам ужываць санкцыі супраць Расеі, каб пакласьці канец гэтай вайне», — сказаў эўракамісар Вархэі.

  • Эўрапейская рада і Эўракамісія камісія выступілі з прапановай увесьці крымінальную адказнасьць за парушэньне абмежавальных мераў ЭЗ. Чакаецца, што адпаведнае абавязковае рашэньне прымуць за некалькі месяцаў, паведамляе DW.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG